ماسەلەن وتكەن تاۋلىكتە كوروناۆيرۋس ينفەكتسياسى 43 ادامنان انىقتالدى. ولاردىڭ قاۋىپتى ۆيرۋسقا شالدىققانى پتر-تەست ارقىلى راستالىپتى.
«ناۋقاستاردىڭ اراسىندا اتىراۋ قالاسىنان 16 ادام بار. ال تەڭىز كەنىشىندە 23 جۇمىسشى, جىلىوي اۋدانىندا 3, ماحامبەت اۋدانىندا 1 ادام سovid-19 جۇقتىردى. قاۋىپتى ۆيرۋستىڭ سيمپتومدى ءتۇرى 9 ناۋقاستان تابىلدى. سوڭعى مالىمەتكە سايكەس, وتكەن تاۋلىكتە كوروناۆيرۋس ينفەكتسياسىنان 44 ادام ەمدەلىپ شىقتى», دەپ ءمالىم ەتتى وبلىستىق دەنساۋلىق ساقتاۋ باسقارمانىڭ ءباسپاسوز قىزمەتىنەن.
دەگەنمەن, ۇيدە ەمدەلىپ جاتقان ناۋقاستار ءالى دە بار. قازىر 370 ادام ءۇي جاعدايىندا ەمدەلۋ ءۇشىن وقشاۋلاندى. سونداي-اق وبلىستىق ينفەكتسيالىق ستاتسيوناردا 71, اۋداندارداعى ستاتسيونارلاردا 24 پاتسيەنت ەم قابىلداۋدى جالعاستىرىپ جاتىر.
