تەحنولوگيا • 07 اقپان، 2021

يننوۆاتسيالىق گرانت: 12 اقپانعا دەيىن ءوتىنىش جىبەرىپ ۇلگەرىڭىز

50 رەت كورسەتىلدى

قازاقستاندا 1 اقپاننان باستاپ يننوۆاتسيالىق گرانت كونكۋرسىنا وتىنىشتەر قابىلداۋ باستالدى. بيىلدىڭ جاڭالىعى سول سايىسقا تەك ءىرى كومپانيالار عانا ەمەس، شاعىن جانە ورتا بيزنەس وكىلدەرى دە قاتىسا الادى. سونداي-اق گرانت بۇرىن جوبانى كوممەرتسيالىق ىسكە قوسۋ شىعىندارىنىڭ 50 پايىزىن عانا جاپسا، بيىل بۇل كورسەتكىش 90 پايىزعا جەتپەك.

تسيفرلىق دامۋ، يننوۆاتسيا جانە اەروعارىش ونەركاسىبى ءمينيسترى باعدات مۋسين مينيستر رەتىندە جاستار جوبالارىنىڭ قولداۋ تابۋىنا كومەكتەسكىم كەلەدى دەيدى.

كوپتەگەن ادامدارعا مەنىڭ ءوزىم ستارتاپەر بولعانىم تۋرالى بەلگىلى. ارينە، مەن ستارتاپتارعا قانشالىقتى قولداۋ قاجەت ەكەنىن بىلەمىن. ءوز جوبالارىمدى دامىتا باستاعان كەزدە، بىزدە ۆەنچۋرلىق نارىق مۇلدەم دامىماعان ەدى. قازىر كوپتەگەن ستارتاپتار اقشالاي قولداۋ كورسەتە الاتىن سەرىكتەس تابۋعا تىرىسۋدا، بىراق بىزدە پەرىشتە ينۆەستيتسياسىنىڭ نە ەكەنىن تۇسىنەتىندەر از. قازىر مينيستر لاۋازىمى تاراپىندا وسى باعىتقا ىقپال ەتە الامىن جانە شەتەلگە شىعا الاتىن كەرەمەت جوبانى جاساي الاتىنداردىڭ دامۋىنا كومەكتەسە الامىن. ءبىزدىڭ مينيسترلىك بۇل باعىتتى ىسكە اسىرۋدا، – دەدى مينيستر فەيسبۋكتەگى جازباسىندا.

بيىلدان باستاپ گرانتتاردى ءبولۋ بويىنشا بارلىق ەسكى ەرەجەلەر مەن قاتىسۋشىلارعا ارنالعان ەرەجەلەردى قايتا قاراستىرىلعان.

ەگەر بۇرىن گرانتتى ءىرى كومپانيالار جەڭىپ السا، بۇگىندە ەرەجە بويىنشا بىزدە يننوۆاتسيالىق تەحنولوگيا مەن كوممەرتسيالىق الەۋەتى بار ءونىمدى جاسايتىن شوب كومپانيالارىنىڭ قاتىسۋىنا رۇقسات ەتىلەءدى. ال ەگەر بۇرىن گرانت تەك 50 پايىزدى عانا جابا الاتىن بولسا، قازىر جوبانى كوممەرتسيالىق ىسكە قوسۋ شىعىستارىنىڭ 90 پايىزىن جابا الادى، ەگەر سومامەن ايتساق، ءبىر گرانت 150 ملن تەڭگەگە دەيىن الا الادى، – دەدى مۋسين.

ءمينيستردىڭ ايتۋىنشا، بۇل ءبىرىنشى كەزەڭ. ەكىنشى كەزەڭ – تەلەديدار نەمەسە Youtube-شوۋ فورماتىندا اۋقىمدى كولەمدە ۇيىمداستىرىلۋى مۇمكىن.

وسىعان دەيىن پرەزيدەنت قاسىم-جومارت توقاەۆ تا الداعى بەس جىلدا تسيفرلى تەحنولوگيا مەن جاساندى ينتەللەكتى دامىتۋ ءۇشىن 1 ملرد دوللاردان استام قارجى تارتۋ كەرەكتىگىن ايتتى.

 

سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار