ايتىستىڭ اشىلۋىندا قالا اكىمى نۇرلىبەك نالىباەۆ الامانعا قاتىسۋشىلارعا ساتتىلىك تىلەدى.
تەكتى ونەردى تورگە وزدىرىپ, ۇلت مۇراسى ۇلىقتالعان جىر دوداسىندا قۇرداستار ءازىلى, جاستىق جالىن, ءىنى مەن اعا سىيلاستىعى كورىنىس تاپتى. سىرداعى ءسوز سايىسىن جازۋشى, حالىقارالىق «الاش» ادەبي سىيلىعىنىڭ لاۋرەاتى, قازاقستاننىڭ ەڭبەك سىڭىرگەن قايراتكەرى, دراماتۋرگ روزا مۇقانوۆا, قازاقستان جازۋشىلار وداعىنىڭ مۇشەسى, قادىر مىرزا ءالي اتىنداعى مادەنيەت جانە ونەر ورتالىعىنىڭ ديرەكتورى, بەلگىلى ايتىسكەر اقىن باۋىرجان حاليوللا جانە قر مادەنيەت قايراتكەرى, اقىن, رەجيسسەر-ستسەناريست وڭتالاپ نۇرماحانوۆ سىندى ەسىمى ەلگە بەلگىلى ونەر وكىلدەرىنەن قۇرىلعان قازىلار القاسى باعالادى.
تاۋەلسىزدىك تاعىلىمىن جاستاردىڭ ساناسىنا ءسىڭىرۋ, ازات ەلىمىزدىڭ جارقىن جەتىستىكتەرىن كەڭىنەن دارىپتەۋ, رۋحاني باي مۇرامىزدى, وتانىمىزدى جىرعا قوسۋدى مۇرات ەتكەن ايتىس قورىتىندىسىندا III ورىندى پاۆلودارلىق راۋان قايداروۆ پەن قىزىلوردالىق ەرجەڭىس ابديەۆ قانجىعالاسا, ءسوز بايگەسىنىڭ II ورىنى وسكەمەندىك سەرىك قۋانعانعا بۇيىردى. ارقالىقتان اقتاڭگەر ايبەك قاليەۆ پەن اتىراۋلىق ارقالى اقىن شالقارباي ءىزباساروۆ I ورىندى ءوزارا ءبولىستى.
اقمەشىتتەگى ايتىس الامانىندا باس جۇلدەنى ماڭعىستاۋلىق نۇرلان مۇساەۆ يەلەندى.
