ىرىكتەۋ اسكەري قىزمەتشىلەردىڭ دەنە دايارلىعى دەڭگەيى, جاۋىنگەرلىك دايارلىق پاندەرى بويىنشا ءبىلىمى, بەلگىلەنگەن نورماتيۆتەردى ۋاقىتقا ورىنداۋ قابىلەتى, سونىڭ ىشىندە, كەدەرگىلەر جولاعىنان ءوتۋ, رحبق نورماتيۆتەرىن ورىنداۋ, اتىس دايارلىعى بويىنشا باعالاۋ كەشەندەرىنەن تۇردى. سونىمەن قاتار, اسكەري قىزمەتشىلەر اسكەري تاريح تۋرالى بىلىمدەرىن, شىعارماشىلىق قابىلەتتەرى مەن تالانتتارىن كورسەتتى.
ەڭ ۇزدىك كەشەندى سىناقتاردى سەرجانت عايبۋتدين ءابدىراحمانوۆ, كىشى سەرجانت ايگەرىم قاليەۆا, نۇرالى قۇلبەكوۆ پەن مارس كايۋموۆ ەفرەيتورلارى ءوتتى.
ەندى ولار «وڭتۇستىك» وڭىرلىك قولباسشىلىعى مەن قارۋلى كۇشتەرى اۋقىمىندا ىرىكتەۋدەن ءوتۋى ءتيىس.
«جىل سايىن ىرىكتەۋ جارىستارىنىڭ ناتيجەلەرى جاقسارىپ, ال نيەت بىلدىرۋشىلەر سانى ارتىپ كەلەدى. اسكەري قىزمەتشىلەردىڭ كاسىبي شەبەرلىك دەڭگەيىنىڭ ءوسۋى ءبىزدى وتە قۋانتادى. الەم جاۋىنگەرى تەك مىقتى جاۋىنگەردىڭ عانا ەمەس, سونىمەن قاتار ويشىلدىڭ, بەلگىلى ءبىر دارەجەدە سۋرەتشىنىڭ دە قاسيەتتەرىن بىرىكتىرە الاتىن ادام عانا اتالا الادى», – دەدى ءبىرىنشى سىنىپتى سەرجانت راۋان الىمبەتوۆ.
ايتا كەتسەك, بايقاۋ حالىقارالىق ارميا ويىندارىنىڭ باعدارلاماسىنا كىرەدى. اسكەري قىزمەتشىلەر تەك كاسىبي داعدىلارىن عانا ەمەس, سونداي-اق ينتەللەكت دەڭگەيىن, كرەاتيۆتىلىگىن كورسەتەتىن اسەرلى جارىس جانە اسكەري ماماندىقتى تانىمال ەتۋگە ىقپال ەتەدى.
بايقاۋ ەرەجەسىنە سايكەس, «الەم جاۋىنگەرى» جارىسىنىڭ كەزەڭدەرى اسكەري-اتلەتيكالىق دايىندىقتى, مەرگەندىكتى, ادەبي-كوركەمدىك جانە بي داعدىلارىن كورسەتۋدى, سونداي-اق تاريحتى ءبىلۋدى قامتيدى.
