گازەتىمىزدىڭ الماتىداعى بولىمشەسىنە ەلىمىزگە بەلگىلى ازامات, وڭتۇستىك استاناداعى «شيپادەنت» ستوماتولوگيالىق ەمحاناسىنىڭ باسشىسى ءمۇسىلىم دايىربەكوۆ حابارلاسىپ, جاعىمدى جاڭالىق جەتكىزدى. مۇسەكەڭ ءوزى باسقاراتىن مەكەمە ۇجىمىنىڭ تۇگەلدەي «ەگەمەن قازاقستان» گازەتىنە جازىلۋىن قامتاماسىز ەتىپتى. ءسويتىپ, ەمحانانىڭ 20 قىزمەتكەرى الداعى جىلى وتانىمىزدىڭ باس گازەتىن ءوز ۇيلەرىنە الدىرىپ وقيتىن بولعان. گازەتتىڭ ءبىر داناسى مەكەمە اتىنا جازىلىپتى. وسىلايشا, شيپادەنتتىكتەر 21 دانا «ەگەمەنگە» جازىلعان.
گازەتىمىزدىڭ الماتىداعى بولىمشەسىنە ەلىمىزگە بەلگىلى ازامات, وڭتۇستىك استاناداعى «شيپادەنت» ستوماتولوگيالىق ەمحاناسىنىڭ باسشىسى ءمۇسىلىم دايىربەكوۆ حابارلاسىپ, جاعىمدى جاڭالىق جەتكىزدى. مۇسەكەڭ ءوزى باسقاراتىن مەكەمە ۇجىمىنىڭ تۇگەلدەي «ەگەمەن قازاقستان» گازەتىنە جازىلۋىن قامتاماسىز ەتىپتى. ءسويتىپ, ەمحانانىڭ 20 قىزمەتكەرى الداعى جىلى وتانىمىزدىڭ باس گازەتىن ءوز ۇيلەرىنە الدىرىپ وقيتىن بولعان. گازەتتىڭ ءبىر داناسى مەكەمە اتىنا جازىلىپتى. وسىلايشا, شيپادەنتتىكتەر 21 دانا «ەگەمەنگە» جازىلعان.
بىلاي قاراعاندا, 21 دانا ونشا كوپ تە ەمەس سياقتى. بىراق ماسەلە وسىناۋ شاعىن ۇجىمنىڭ ەل گازەتىنە دەگەن ىقىلاسىندا بولىپ وتىر. «كوپ تۇكىرسە كول دەگەندەي», وسىنداي شىنايى ىقىلاس-پەيىلدەر جيناقتالا كەلە, تامشىدان تەڭىز قۇرالعانىنداي, باس باسىلىم تارالىمىنىڭ 200 مىڭنان اسقان اسقار بەلەسىنە جەتكىزىپ وتىرعان جوق پا؟ ەندەشە, شاعىن ۇجىم جازىلعان 21 دانانىڭ ۇلاعاتى مەن ۇتىمدىلىعى دا سوندا. ءوز كەزەگىندە بۇعان گازەتىمىزدىڭ كوپتەن بەرگى اۆتورى ءارى جاناشىرى, قازاقستاننىڭ ەڭبەك سىڭىرگەن قايراتكەرى, «قۇرمەت» وردەنىنىڭ, سونداي-اق, رەسەيدىڭ «دولگ ي چەست» وردەنىنىڭ يەگەرى ءمۇسىلىم دايىربەكوۆتىڭ دە ۇگىت-ناسيحاتتىق تۇرعىدان قولداۋ جاساپ, ۇلەس قوسقانىن اڭداعاندايمىز.
بيىلعى جىل مۇسەكەڭ ءۇشىن دە جەمىستى اياقتالعالى تۇر. اۋەلى ول الماتى قالاسى بويىنشا «جىل ادامى» دەپ تانىلعان-دى. سونىڭ ىزىنشە قايىرىمدىلارعا بەرىلەتىن ءداستۇرلى «التىن ءجۇرەك» سىيلىعىنىڭ لاۋرەاتى اتانعان ەدى. وعان قوسا, «وڭتۇستىك قازاقستان وبلىسىنىڭ قۇرمەتتى ازاماتى» اتاعى بەرىلدى. ال تاۋەلسىزدىك كۇنى قارساڭىندا ەلباسى جارلىعىنا وراي «پاراسات» وردەنىن الۋى اتپال ازاماتتىڭ جىل جەمىستەرىن ادەمى تۇيىندەدى. گازەتىمىزدىڭ جاناشىرى ءمۇسىلىم دايىربەك ۇلىن وسى ماراپاتپەن ءبىز دە قۇتتىقتاپ, ەل يگىلىگى جولىنداعى ىزگىلىكتى ەڭبەگىنىڭ جالعاسا بەرۋىنە تىلەكتەستىگىمىزدى بىلدىرەمىز.
قورعانبەك امانجول,
«ەگەمەن قازاقستان».
الماتى.
