التىنكول قازاقستاندىق شەكارالىق تەمىر جول ستانتسياسى جانە KTZE Khorgos Gateway قۇرعاق پورتى ارقىلى قىتايدان قىرعىزستانعا العاشقى كونتەينەرلىك پويىز ءجۇرىپ وتەدى.
«KTZ Express» اق ءباسپاسوز قىزمەتىنىڭ حابارلاۋىنشا, 46 كونتەينەردەن تۇراتىن پويىز قۇرامىندا جالپى سالماعى 800 تونناعا جۋىق توپتىق جۇك كىرەدى, ول قىتايدىڭ ءۇرىمشى ستانتسياسىنان قىرعىزستاننىڭ الامەدين ستانتسياسىنا 4 كۇندە جەتكىزىلەدى. «KTZ Express» ءۇشىن حالىقارالىق كولىك ءدالىزىن دامىتۋ باسىم مىندەتتەردىڭ ءبىرى. ءبىز ۇيىمداستىرعان جاڭا سەرۆيس باعىتتارىمىزدىڭ گەوگرافياسىن كەڭەيتتى جانە كليەنتتەرىمىزگە لوگيستيكالىق شىعىنداردى قاسقارتۋعا مۇمكىندىك بەردى. وسى مارشرۋتتا جول ءجۇرۋ بارىسىندا جۇكتەردى وڭدەۋدىڭ بولماۋى ەسەبىنەن جىلدامدىقتىڭ وڭتايلى پارامەترىنە قول جەتكىزدىك جانە كەلەشەكتە وسى مارشرۋت بويىنشا كونتەينەرلىك جۇكاعىنىن ۇلعايتۋعا جانە كونتەينەرلىك پويىزدىڭ تۇراقتى ءجۇرۋىن ۇيىمداستىرۋعا نيەتتى ەكەندىگىمىزدى اتاپ وتكىم كەلەدى», دەدى «KTZE-وڭتۇستىك» باس ديرەكتورىنىڭ ورىنباسارى ا. بەرەكبۇلوۆ.
