سۋرەتتى تۇسىرگەن ج.قۇسپانوۆ
بيۋرو وتىرىسىندا دەپۋتاتتار قاراۋىنا بىرقاتار راتيفيكاتسيالىق زاڭ جوبالارى ۇسىنىلدى. اتاپ ايتقاندا, «مەملەكەتارالىق ستاندارتتاۋ جونىندەگى قۇجاتتاردى تاراتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى. بۇل كەلىسىمدى قابىلداۋ مەملەكەتارالىق ستاندارتتاۋ بويىنشا قولدانىلاتىن قۇجاتتاردىڭ دۇرىستىعى مەن وزەكتىلىگىن, تمد-قا قاتىسۋشى مەملەكەتتەردىڭ ۇلتتىق ستاندارتتاۋ جۇيەلەرىنىڭ شىعىندارىن جابۋدى قامتاماسىز ەتەدى.
الداعى جالپى وتىرىستا دەپۋتاتتار تمد قاتىسۋشى مەملەكەتتەردىڭ باس بوستاندىعىنان ايىرۋمەن بايلانىستى ەمەس جازالاردى ورىنداۋدى بەرۋ تۋرالى كونۆەنتسيانى راتيفيكاتسيالاۋ تۋرالى, سونداي-اق, «2011 جىلعى 22 ماۋسىمداعى كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ بىرىككەن القاسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوبالارىن قارايدى.
