«ەكپەنى بءىرىنشى كەزەكتە ينفەكتسيانى جۇقتىرۋ قاۋپى جوعارى مەديتسينا قىزمەتكەرلەرى – جۇقپالى اۋرۋلار اۋرۋحانالارىنىڭ پەرسونالى, جەدەل جاردەم, رەانيماتسيا ءبولىمى, اۋرۋحانالاردىڭ قابىلداۋ بولىمدەرى, ەمحانالار مەن سانيتارلىق-ەپيدەميولوگيالىق قىزمەت ماماندارى الىپ جاتىر. ۆاكتسيناتسيالانعان ازاماتتار وزدەرىن جاقسى سەزىنەدى. ەكپە العان دارىگەرلەر – ۆاكتسيناتسيانىڭ قاجەتتىلىگىن بىلەتىن تاجىريبەلى ماماندار» دەپ مالىمدەدى باتىس قازاقستان وبلىستىق دەنساۋلىق باسقارماسى باسشىسىنىڭ مىندەتىن اتقارۋشى ارمان قاليبەكوۆ.
5 اقپان كۇنى باتىس قازاقستان وبلىسى ەپيدەميولوگيالىق جاعدايدى باعالاۋ ماتريتساسى بويىنشا «سارى ايماققا» جىلجىدى. بۇگىنگە دەيىن وڭىردە بارلىعى 11 395 ادام ىندەت جۇقتىرعان. ونىڭ ىشىندە 5 376 ادامدا اۋرۋ سيمپتومسىز ءوتكەن.
سوڭعى دەرەكتەرگە قاراعاندا ينفەكتسيا جۇقتىرعانداردىڭ 81,3%-ى, ياعني 9 267 ادام ساۋىعىپ شىقتى. 199 ادام كوروناۆيرۋستىق ينفەكتسيادان كوز جۇمدى.بۇگىندە كارانتيندىك ستاتسيونارلاردا 26 ناۋقاس جاتىر. ال ينفەكتسيالىق ستاتسيوناردا 291 ادام ەمدەلۋدە. اۋرۋحانالاردىڭ تولىمدىلىعى 50,2%-دى قۇرايدى.
- ينفەكتسيالىق ستاتسيونارلارداعى رەانيماتسيالىق بولىمدەردە قازىر 20 ناۋقاس ەمدەلۋدە. ولاردىڭ 80 پايىزى – 60 جاستان جوعارى ادامدار. ورىن تاپشىلىعى جوق, - دەيدى باسقارما باسشىسى.
وڭىردە ەپيدەميا كۇشەيگەن جاعدايدا پايدالانۋ ءۇشىن قوسىمشا 2008 توسەك-ورىندىق رەزەرۆتىك قور دايىندالعان. ولاردىڭ 1233-ءى ينفەكتسيالىق ستاتسيونارلاردا, 775-ءى كارانتيندىك ستاتسيونارلاردا. سونداي-اق ءاءربىر ەمحانادا COVID-19 جانە پنەۆمونيا سيمپتومدارى بار پاتسيەنتتەردى, سوزىلمالى اۋرۋلارى بار پاتسيەنتتەردى, سونداي-اق كورسەتكىشتەر بويىنشا جۇكتى ايەلدەر مەن بالالاردى ۇيدە باقىلاۋ ءۇشىن 124 ءموبيلدى بريگادا جۇمىس جاساپ ءجۇر. ءموبيلدى بريگادالار تاۋلىگىنە ورتا ەسەپپەن 280 مارتە جولعا شىعادى, سونىڭ 70-ءى – COVID-19 بويىنشا شاقىرۋ ەكەن.
باتىس قازاقستان وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا, وڭىردە جىل باسىنان بەرى 2174 ادام كوروناۆيرۋستىق ينفەكتسيامەن اۋىرعان. بۇل ناۋقاستارمەن قارىم-قاتىناستا بولعان 2782 ادام انىقتالىپ, مەديتسينالىق باقىلاۋعا الىنعان. ال سوڭعى اپتادا وتكەن اپتامەن سالىستىرعاندا اۋرۋشاڭدىق 3,7%-عا تومەندەگەن.
- كوروناۆيرۋس ينفەكتسياسىن جۇقتىرعانداردىڭ 41,5 پايىزى, ياعني 903-ءى – جۇمىس ىستەيتىن ادامدار. سونداي-اق 461 زەينەتكەر, 150 وقۋشى, 89 مۇعالىم, 39 ستۋدەنت, بالاباقشاعا بارمايتىن 38 ءسابي ۆيرۋس جۇقتىرعانى انىقتالدى, - دەيدى نۇرلىبەك مۇستاەۆ.
بيىلعى وقۋ جىلى باستالعالى COVID-19 مەكتەپتە ءداستۇرلى فورماتتا وقيتىن 164 وقۋشىدا, قاشىقتىقتان وقيتىن 177 وقۋشىدا, بارلىعى 341 وقۋشىدا انىقتالعان ەكەن. ال 3 توقسان باستالعالى, ياعني 11 قاڭتاردان باستاپ 127وقۋشى COVID-19 جۇقتىرعان. ولاردىڭ 49-ى – ءداستۇرلىفورماتتا, 78-ءى – قاشىقتىقتان وقيتىندار. ورال قالاسىندا جانە اۋدانداردا 31 مەكتەپتءىڭ 42 سىنىبى سانيتار دارىگەرلەرىنىڭ قاۋلىسىمەن كارانتينگە جابىلعان.
زەرتحانالاردا قاڭتار ايىنىڭ باسىنان بەرى بارلىعى 62974 زەرتتەۋ جۇرگىزىلگەن.
ارينە, قاۋىپتى ۆيرۋستى مەملەكەتتىك شەكارادان وتكىزبەۋ ماسەلەسى دە قاتاڭ قاداعالاۋدا. جىل باسىنان بەرى رەسەي فەدەراتسياسىمەن اراداعى شەكارادان 28465 ادام ءوتكەن. شەكارادان وتۋشىلەردەن پتر سىناماسى تالاپ ەتىلەدى, ول بولماعان جاعدايدا انىقتاماسىز جولاۋشىلار 3 تاۋلىككە كارانتيندىك ستاتسيونارعا ورنالاستىرىلادى. سونداي-اق حالىقارالىق جۇك تاسىمالدارىن جۇزەگە اسىراتىن جۇرگىزۋشىلەرگە دە وسى تالاپ قويىلادى. 5276 جۇرگىزۋشىدە انىقتاما جوق بولىپ, پتر ادىسىمەن COVID-19 تەست الىنعاندا, 7 ادامدا ۆيرۋس بار ەكەندىگى انىقتالعان.
وڭىردە كارانتين تالاپتارىنا سايكەس كوپشىلىك جيىندار وتكىزۋگە تيىم سالىنىپ, ساقتىق شارالارىن كۇشەيتۋگە مىندەتتەلگەن بولاتىن. بۇل تالاپتاردى مونيتورينگتىك توپتار قاداعالايدى. جىل باسىنان بەرى مۇنداي توپتار 608 مارتە رەيد جۇرگىزىپ, 5874 نىساندى تەكسەرگەن ەكەن. سونىڭ 22-سىندە ەرەجە بۇزۋشىلىق انىقتالىپ, 49 حاتتاما تولتىرىلعان. ءتارتىپ بۇزۋشىلارعا سالىنعان ايىپپۇلدىڭ كولەمى – 2 902 415 تەڭگە.
