فۋتبول • 05 اقپان، 2021

«اتىراۋ» كلۋبى تاعى ءبىر لەگيونەرمەن تولىقتى

9 رەت كورسەتىلدى

«اتىراۋ» فۋتبول كلۋبى گايتي قۇراماسىنىڭ ويىنشىسى الەكس كريستيان دجۋنيورمەن كەلىسىمشارتقا وتىردى، دەپ حابارلايدى Egemen.kz

ول 1993 جىلى دۇنيەگە كەلگەن، سول جاقتان قورعاۋشى پوزيتسياسىنداعى حالىقارالىق كلاستاعى فۋتبولشى سانالادى.

بۇعان دەيىن «ۆيلا-رەال»، «بواۆيشت»، «ارارات-ارمەنيا» فۋتبول كلۋبتارىمەن كەلىسىم-شارتقا وتىرعان. سوڭعىسىندا ول ەكى رەت ارمەنيا چەمپيونى اتانادى. «Transfermarkt» مالىمەتى بويىنشا گايتيلىك فۋتبولشىنىڭ ترانسفەرتتىك باعاسى 200 مىڭ ەۋرو قۇراعان. الايدا، «اتىراۋ» فۋتبول كلۋبىنىڭ ءباسپاسوز قىزمەتى الەكس كريستيان دجۋنيوردى كومانداعا تارتۋ ءۇشىن ەشقانداي اقشا تولەنبەگەنىن ايتادى.

كەلىسىمشارت راسىمەن دە جاسالعان، الايدا، ول توپقا ەركىن اگەنت رەتىندە قابىلدانىپتى. وعان باسقا ويىنشىلار سياقتى تەك قانا جالاقى تولەنبەك.

مۇنداي كەزدە ترانسفەرتتى تولەۋ «اتىراۋ» فك قۇزىرىنا كىرمەيدى.  قازىرگى كۇنى «اتىراۋ» فۋتبول كومانداسى تۇركيادا قىسقى وقۋ-جاتتىعۋ جۇمىستارىن جۇرگىزىپ جاتىر. 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار