ايماقتار • 05 اقپان، 2021

الماتى قالاسىندا 5 دەنە شىنىقتىرۋ كەشەنى سالىنادى

6 رەت كورسەتىلدى

بۇقارالىق سپورتتى دامىتۋ شەڭبەرىندە قالا تۇرعىندارىن سپورتتىق ينفراقۇرىلىممەن قامتاماسىز ەتۋ ءۇشىن 2020 جىلى 700-دەن استام جازىق قۇرىلىستار سالىندى، ولار – شاعىن فۋتبول، باسكەتبول، ۆولەيبول، ۆوركاۋت جانە امبەباپ بالالار الاڭدارى، دەپ حابارلايدى Egemen.kz

سونىمەن قاتار جەتىسۋ اۋدانىندا «جەكپە-جەك ورتالىعى» بىرەگەي جوباسى جۇزەگە اسىرىلدى. سپورتپەن اينالىسۋعا ارنالعان اشىق مەكتەپ زالدارى جانە مەكتەپ ستاديوندارى جاڭعىرتىلدى. ونىڭ ىشىندە 12 مەكتەپتىڭ ستاديونى مەملەكەتتىك-جەكەمەنشىك ارىپتەستىك ارقىلى جوندەلدى. قالانىڭ اۋداندارىندا اشىلعان باسكەتبول، فۋتبول سەكتسيالارىنا جاتتىقتىرۋشىلار ءبولىندى.

قازىرگى ۋاقىتتا قر مسم سپورت كوميتەتىمەن بىرلەسىپ بالالار مەن جاسوسپىرىمدەردى سپورتپەن جاپپاي قامتۋ بويىنشا جاڭا باعىتتى ىسكە اسىرۋ ءۇشىن قالانى رەسپۋبليكانىڭ پيلوتتىق ءۇش وڭىرىنە قوسۋ بويىنشا جۇمىس جۇرگىزىلدى. سونداي-اق جان باسىنا شاققانداعى مەملەكەتتىك قارجىلاندىرۋدى بارىنشا از قامتاماسىز ەتۋ ءۇشىن ادىستەمە مەن نورماتيۆتەر جاساۋ جونىندەگى ۇسىنىستاردى پىسىقتاۋ ءۇشىن «فوكۋس-توپ» قۇرىلدى.

سونداي-اق سپورت تۇرلەرى بويىنشا الماتى قالاسى قۇراما كوماندالارىنىڭ قر چەمپيوناتتارىنا جانە الماتى قالاسىندا وتەتىن قر قىسقى سپارتاكياداسىنا قاتىسىپ، دايىندىق جۇرگىزۋدە. الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا «شەتسىز قالا» جوباسى اياسىندا ناۋرىزباي، الاتاۋ، تۇركسىب جانە جەتىسۋ اۋداندارىنىڭ تۇرعىندارى ءۇشىن سپورت سەكتسيالارى اشىلدى.

بيىل مەگاپوليستە 5 دەنە شىنىقتىرۋ-ساۋىقتىرۋ كەشەنىنىڭ قۇرىلىسى باستالدى، اياقتالۋ مەرزىمى – 2021 جىل. كارانتين كەزەڭىندە ءارتۇرلى سپورت تۇرلەرى بويىنشا 41 255 ونلاين جاتتىعۋ ۇيىمداستىرىلىدى. وعان 150 مىڭنان استام ادام قاتىستى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار