وتكەن جىلى 17,5 شاقىرىم بولاتىن 15 كوشەگە مالتا تاس توسەلىپ, 3,6 شاقىرىمعا سوزىلعان 3 كوشەگە كۇردەلى جوندەۋ جۇمىستارى جۇرگىزىلگەن تاسبوگەتتە بۇدان بولەك 5 كوشە جارىقتاندىرىلىپ, سپورتتىق جاتتىعۋ جانە ستريتبول الاڭى سالىندى. كەنتكە قاراستى سابالاق ساياجايىندا اۋىز سۋ جەلىسىنىڭ ەكىنشى كەزەڭىن جۇرگىزۋگە, 17,6 شاقىرىم ەلەكتر جەلىسىن تارتۋعا قارجى قارالدى.
ال, بەلكول كەنتىندە 2020 جىلى 6 كوشەگە ورتاشا جوندەۋ جۇرگىزىلىپ, كۆارتالارالىق جىلۋ جۇيەلەرى جاڭعىرتىلدى, «بالاپان» بالاباقشاسى كۇردەلى جوندەۋدەن ءوتىپ, زەلەنايا كوشەسىنىڭ 1,6 شاقىرىمىنا تۇنگى جارىق شامدارى ورناتىلدى. كەنتكە قارايتىن بىرقازان ەلدى-مەكەنىنىڭ كىرە-بەرىس جولى جوندەلىپ, اۋىلدا بالالار ويىن الاڭى سالىندى.
ەسەپتىك كەزدەسۋدە ءسوز العان كەنت تۇرعىندارى اتقارىلعان جۇمىستارعا وڭ باعا بەرىپ, بيىل دا جۇمىس قارقىندى جالعاسسا دەگەن تىلەكتەرىن جەتىزدى.
قالا اكىمى قوس كەنتتە دە كەزەگىن كۇتكەن ماسەلەلەر جۇمىس جوسپارىنا ساي جۇزەگە اسىرالاتىندىعىن ايتىپ, بيىلعى جاسالاتىن ءبىراز ءىستى سارالاپ ءوتتى.
وسى جىلى بەلكولدىكتەردىڭ ۇسىنىس-تىلەگىنە وراي تەمىر جولدان وتەتىن اسپالى كوپىردىڭ قۇرىلىسى اياقتالىپ, تۇرعىنداردىڭ يگىلىگىنە بەرىلەدى. قالا ىرگەسىندەگى كەنتتە تۇراتىندار تەمىر جولدىڭ ارعى بەتى اتالىپ كەتكەن اۋماقتاعى اۋىز سۋ جايىن دا كوتەردى. بۇل ساۋالعا قالا اكىمى سول ادانداعى 200-گە تارتا تۇرعىن ءۇيدى اۋىز سۋمەن قامتۋ جوسپارعا ەنگەندىگىن ايتىپ, جىل سوڭىنا دەيىن ماسەلە تولىعىمەن ءوز شەشىمىن تاباتىندىعىن ايتتى.
ال سوڭعى جىلدارى قوماقتى قارجى قارالعان تاسبوگەتتە بيىل دا جولداردى جوندەۋ مەن كوشەلەردى جارىقتاندىرۋ باستى نازاردا بولماق.
