وقيعا ءتۇن ىشىندە بولعان. قازتالوۆ اۋداندىق توتەنشە جاعدايلار بولىمىنە سۋىت حابار تاڭعى ساعات 5.49.-دا جەتىپتى. قۇتقارۋشىلار جەدەل جولعا شىعىپ, بوزوبا اۋىلىنىڭ ماڭىندا تۇرىپ قالعان ۆاز-2115 جەڭىل اۆتوكولىگىنەن 7 ادامدى قۇتقارىپ الدى. جولاۋشىلاردىڭ ەكەۋى – جاس بالا ەدى. ابىروي بولعاندا ەشكىم زارداپ شەككەن جوق, دارىگەر كومەگىنە ەشكىم جۇگىنبەگەن.
ايتا كەتەيىك, سوڭعى كۇندەرى باتىس قازاقستان وبلىسى اۋماعىندا جاڭبىر جاۋىپ, ءوڭىردى قالىڭ تۇمان باسىپ تۇر. سونىڭ ناتيجەسىندە حالىقارالىق, رەسپۋبليكالىق دەڭگەيدەگى كەيبىر جولدار جابىلدى. اسىرەسە باتىس قازاقستان وبلىسىنىڭ ەڭ شالعايداعى جانىبەك جانە بوكەي ورداسى اۋداندارى تۇرعىندارى جول ازابىن شەگىپ, قيىندىق كورۋدە. ويتكەنى بۇل اۋدانداردى ورال قالاسىمەن جالعايتىن تاس جول جوق.
