بيزنەس وكىلدەرى, قاۋىمداستىقتار قوسىمشا سانيتارلىق شارالار, تسيفرلىق مونيتورينگتى قولدانۋعا دايىندىقتارىن ءبىلدىردى. وسى باعىتتا باسقا ەلدەردىڭ ۇلگىسىمەن سانيتارلىق ستاندارتتاردىڭ ساقتالۋىن تسيفرلىق باقىلاۋ ءۇشىن پيلوتتىق جوبا رەتىندە قر تسيفرلىق دامۋ مينيسترلىگى جانە قر دەنساۋلىق ساقتاۋ مينيسترلىگىنىڭ تاپسىرىسى بويىنشا ASHYQ وتاندىق ءىت-قوسىمشاسى تاڭدالدى. سىناق جوبانىڭ العاشقى ناتيجەلەرى تۋرالى ۇكپ باسقارما توراعاسىنىڭ ورىنباسارى ناريمان ابىلشايىقوۆ ايتتى.
بۇگىندە پيلوتتىق جوبادا ASHYQ قوسىمشاسىن قازاقستاننىڭ ءۇش قالاسى الماتى مەن نۇر-سۇلتان, قاراعاندىدا كاسىپكەرلىكتىڭ 55 سۋبەكتىسى قولدانىپ جاتىر. ىسكە قوسۋ ۋاقىتى ىشىندە نىساندارعا كەلۋشىلەردىڭ 8 مىڭ بەلگىلەنۋى تىركەلگەن.
«بۇگىنگى تاڭدا QR-كودتاردى قولدانۋ پراكتيكاسى وڭتۇستىك-شىعىس ازيا ەلدەرى – گونكونگ, سينگاپۋر, مالايزيادا كەڭ تارالعان. باسقا ەلدەردە دە بالاما قوندىرعىلار بار. ASHYQ – وتاندىق ءوندىرۋشىنىڭ ازىرلەمەسى. ارينە, قوسىمشا بيزنەس, نىسانعا كەلۋشىلەردىڭ ەسكەرتپەلەرى مەن ۇسىنىستارىن نازارعا الىپ ازىرلەنۋ ۇستىندە. تسيفرلىق دامۋ مينيسترلىگى, دەنساۋلىق ساقتاۋ مينيسترلىگى, سانيتارلىق دارىگەرلەردىڭ قاتىسۋىمەن جوبالىق كەڭسە بازاسىندا ۇسىنىستار قارالۋدا», – دەدى ناريمان ابىلشايىقوۆ.
ASHYQ – وزىندىك بالاما. كەلەشەكتە قوسىمشانى پايدالانىپ وتىرعان كاسىپكەرلەر شەكتەۋلەردى ازايتا الادى. ياعني ءوڭىردىڭ ەپيداەحۋال بويىنشا ءبىر ايماقتان ەكىنشى ايماققا اۋىسۋى وسى كاسىپكەرلەرگە بىلىنبەيدى. بۇل دەگەنىمىز كومپانيانىڭ تابىسى, جۇمىس ورىندارى, قىزمەتكەرلەردىڭ ەڭبەكاقىسى. كوپ كومپانيا وتكەن جىلعىداي كەلەسى لوكداۋن مەن كارانتيندى وتكەرە المايدى, دەپ ايتتى سپيكەر, 2021 جىلدىڭ 1 قاڭتارىنان باستاپ مەملەكەتتىك قولداۋ شارالارى توقتادى. سانيتارلىق نورمالاردى ساقتاۋ كەزىندە ASHYQ QR-كودتارىن پايدالانعان نىسانداردا ىندەتتى جۇقتىرۋ قاتەرى از. قوسىمشانى قولدانۋ ەرىكتى جۇرگىزىلەدى.
«پيلوتتىق جوباعا ەرىكتى تۇردە ىنتا بىلدىرگەن بيزنەسمەندەر قاتىسىپ جاتىر. بۇل شارا نە ءۇشىن ىسكە اسىرىلىپ جاتىر؟ ەل وڭىرلەرى ءبىر ايماقتان ەكىنشى ايماققا اۋىتقىپ جاتىر, سايكەسىنشە كاسىپكەر الداعى دەمالىس كۇندەرى قالاي جۇمىس ىستەيتىنى جايىندا ناقتى تۇسىنىك جوق. بيزنەسمەن كليەنتى الدىندا جاۋاپتى, سايكەسىنشە, ورتا مەرزىمدە تۇسىنىكتى انىقتاۋ ءۇشىن ءبىز بۇل قوسىمشانى پيلوتتىق رەجيمدە قولدانىپ كورگىمىز كەلەدى. فيتنەس, سپا, باسسەيندەر پيلوتتىق جوباعا قاتىسادى. ەگەر بۇل تاجىريبە ءوزىن-ءوزى دالەلدەيتىن بولسا, وندا ءبىز دەنساۋلىق ساقتاۋ مينيسترلىگىنە, سانيتارلىق-ەپيدەميولوگيالىق باقىلاۋعا ءوز قىزمەتىن قالپىنا كەلتىرمەگەن نەمەسە شەكتەۋلەرمەن جۇمىس ىستەيتىن باسقا سالالارعا وسى تاجىريبەنى قولدانۋ تۋرالى ۇسىنىستار ەنگىزەمىز», – دەدى ۇكپ تورالقا توراعاسىنىڭ ورىنباسارى.
نەگىزگى ارتىقشىلىق – قاۋىپسىزدىك. قوسىمشاسى QR-كود جانە پتر بازاسىمەن ينتەگراتسيا ارقىلى قوعامدىق ورىنعا كەلۋشىنىڭ كوۆيد-ستاتۋسىن انىقتاۋعا مۇمكىندىك بەرەدى. وسىلايشا بيزنەس سۋبەكتىسى – جوباعا قاتىسۋشى سانيتارلىق نورمالارمەن قاتار قوسىمشا باقىلاۋدى قامتاماسىز ەتەدى. جۇمىس ىستەپ جاتقان بازارلار, ساۋدا-ويىن-ساۋىق ورتالىقتارى, ءۇي جانىنداعى دۇكەندەرگە QR-كودتى ەنگىزۋ قاجەت ەتىلمەيدى. بۇل شارا قىزمەتىن ءالى دە جاڭارتا الماعان سالالارعا قاجەت. الداعى ءبىر-ەكى اپتادا پيلوتتىق جوبانىڭ ارالىق قورىتىندىسى تالدانىپ, تيىمدىلىك بويىنشا شەشىم قابىلدانادى.
ەلدە لوكداۋن ەنگىزىلىپ, ودان شىققاننان كەيىن بيزنەس شەكتەۋمەن جۇمىس ىستەپ جاتىر. كاسىپكەرلىكتىڭ 13 مىڭ سۋبەكتىسىنە ءالى دە تىيىم سالىنعان. «اتامەكەن» قر ۇكپ مالىمەتتەرى بويىنشا ساۋالناماعا قاتىسقان 42 مىڭ كاسىپكەردىڭ 9 پايىزى بيزنەستى جابۋ تۋرالى شەشىم قابىلداعان, تاعى 11 پايىز شتاتىن قىسقارتپاق.
