قالادا ونكولوگيالىق قىزمەتتى جاقسارتا وتىرىپ, ونكولوگيالىق اۋرۋلاردى ەرتە كەزەڭدە انىقتاۋ, ناۋقاستاردىڭ 5 جىل جانە ودان ارتىق ءومىر ءسۇرۋىن ارتتىرۋ باعىتىندا كەشەندى جۇمىستار اتقارىلۋدا. سكرينينگتىك جانە جالپى پروفيلاكتيكالىق تەكسەرۋلەر ءوز جەمىسىن بەرۋدە. شىمكەنت قالاسىندا 2018-2022 جىلدارعا ارنالعان كەشەندى جوسپاردىڭ جول كارتاسى شەڭبەرىندە ءىس-شارالار جۇزەگە اسىرىلۋدا. 2020 جىلى نەگىزگى 11 ينديكاتور بەلگىلەنگەن.
مەكەمە باسشىسى جاقسىلىق ماۋلەنوۆتىڭ ايتۋىنشا, ءبىرىنشى ينديكاتور – ونكولوگيالىق اۋرۋلاردى ەرتە كەزەڭدە I cاتىسىندا انىقتاۋ كورسەتكىشى 16,8 پايىزعا جەتتى. جوسپاردان 0,8 پايىزعا ارتقان. ەكىنشى ينديكاتور – ناۋقاستاردىڭ 5 جىل جانە ودان ارتىق ءومىر ءسۇرۋى جوسپار بويىنشا 47 پايىز بولعان. 2020 جىلدىڭ قورىتىندىسى بويىنشا 48,3 پايىزعا جوعارىلادى. سونداي-اق, جاڭادان تابىلعان ونكولوگيالىق اۋرۋلاردى دياگنوستيكالىق تەكسەرۋ ءۇشىن كت جانە مرت زەرتتەۋى بويىنشا «امسق» كە اق-مەن كەلىسىمشارت جاسالىندى. وتكەن جىلعى بەرىلگەن 11 ونكولوگيالىق ينديكاتوردىڭ 7-ءى ورىندالدى.
جالپى ورتالىق ىڭعايلاستىرىلعان عيماراتتا ورنالاستىرىلعان. 210 توسەك ورىنعا ارنالعان. ونىڭ ىشىندە 160 ورىن – اۋرۋحانالىق, 30 –پاللياتيۆتىك جانە 20 – كۇندىزگى بولىمنەن تۇرادى. ورتالىقتا 6503-تەن استام ونكولوگيالىق ناۋقاستار «د» ەسەپتە تۇرسا, 2020 جىلدىڭ 12 ايىندا 1216 ناۋقاس ومىرىندە العاش رەت ەسەپكە الىندى. مەكەمەنىڭ ماتەريالدىق-تەحنيكالىق جابدىقتالۋ كورسەتكىشى – 82.59 پايىز.
2020 جىلى ۋلترادىبىستىق سكالپەل, پاتسيەنتتەردى باقىلاۋشى مونيتور, «CHS-1500» وپەراتسيالىق ۇستەلى, ۋلترادىبىستىق «افينيتي-70», ۋلترادىبىستىق سكانەرلەۋ «CX-50», «پروستار» فليۋوروگرافيالىق جابدىق, وتتەگى تەراپياسىنىڭ جابدىقتارى, ت.ب., قاجەتتى قۇرالدار ساتىپ الىندى.
بۇگىندە ورتالىققا حالىقارالىق ستاندارتتارعا ساي ونكولوگيالىق ەمدەۋ كورسەتكىشىن ارتتىرۋ ماقساتىندا مەملەكەتتىك-جەكەشەلىك ارىپتەستىك اياسىندا پەت جانە ساۋلەلىك جەلىلىك جىلدامداتقىش قۇرالدارىن ورنالاستىرۋ جوسپارلانۋدا.
