بۇگىن, پاۆلودار وبلىسىنىڭ جاڭا اكىمى بولىپ بۇرىن جامبىل وبلىسىن باسقارعان قانات بوزىمباەۆ تاعايىندالدى. ونى وبلىس اكتيۆىنىڭ جيىنىندا پرەزيدەنت اكىمشىلىگىنىڭ باسشىسى كارىم ءماسىموۆ تانىستىردى. بۇل تۋرالى Nur.rz حابارلادى.
قانات الدابەرگەن ۇلى بوزىمباەۆ 1969 جىلى 8 قاڭتاردا تۋعان. 1993 جىلى قازاق مەملەكەتتى باسقارۋ اكادەمياسىنىڭ ەكونوميكالىق جانە الەۋمەتتىك جوسپارلاۋ فاكۋلتەتىن بىتىرگەن. تمد-نىڭ ەڭبەك سىڭىرگەن ەنەرگەتيگى.
1997 جىلى ەكونوميكا جانە ساۋدا مينيسترلىگى وڭىرلىك ساياسات ءبولىمىنىڭ باستىعى بولدى.1997-1998 جىلى «كازترانسويل» جاق ۇلتتىق مۇناي تاسىمالداۋ كومپانياسىنىڭ قارجىلىق-جيىنتىق دەپارتامەنتىنىڭ باستىعى, ەكونوميكا ماسەلەلەرى جونىندەگى ۆيتسە-پرەزيدەنتى, ال 1998 -2001 جىلى ەنەرگەتيكا, يندۋستريا جانە ساۋدا مينيسترلىگى مۇناي جانە گاز دەپارتامەنتىنىڭ ديرەكتورى, ۆيتسە-مينيستر قىزمەتتەرىن اتقاردى. 2001 جىلى "ەلەكتر جەلىلەرىن باسقارۋ جونىندەگى قازاقستان كومپانياسى" ااق ءبىرىنشى ۆيتسە-پرەزيدەنتى. 2009 جىلدىڭ 30 قاراشاسىنان باستاپ وسى كەزگە دەيىن جامبىل وبلىسىنىڭ اكىمى بولدى.
باقىتبەك كەنەش ۇلى.
دەرەككوز: Nur.rz
فوتو: «پاراگراف» اقپاراتتىق جۇيە
