بيىلعى وقۋ جىلى الەمدە بولىپ جاتقان پاندەمياعا بايلانىستى بارلىعى دەرلىك وقۋ ورىندارى ونلاين رەجيمىندەگى جۇمىسقا كوشكەن بولاتىن. ەسەنوۆ ۋنيۆەرسيتەتى 2019-2020 وقۋ جىلىندا وقۋ پروتسەسسىن ونلاين جۇيەدە باستاعان بولاتىن. «وnline» رەجيمىندەگى وقۋ ساباقتارى وقىتۋشى مەن ءبىلىم الۋشى اراسىنداعى وقۋ ۇدەرىسى google meet پلاتفورماسىندا ءبىلىم الۋعا مۇمكىندىك الدى. ءبىلىم جانە عىلىم ءمينيسترى اسحات ايماعامبەتوۆتىڭ باياندامالارىندا جاڭا فورماتتاعى ءبىلىم جۇيەسىنىڭ مودەلىن قۇرۋ اياسىندا قاشىقتىقتان وقىتۋ – ءبىلىم بەرۋدىڭ اقپاراتتىق جانە تەلەكوممۋنيكاتسيالىق تەحنولوگيالاردىڭ كومەگىمەن جۇزەگە اسىرىلاتىن ارنايى ءتۇرى ەكەندىگى ايتىلىپ وتكەن. وسى باعىتتا وقىتۋشىلاردىڭ ارنايى ءدارىس بەرەتىن پاندەرى بويىنشا ۆيدەوساباقتار دايىندالىپ ءبىلىم الۋشى مەن وقىتۋشى اراسىنداعى كەرى بايلانىستىڭ بولۋىنا مۇمكىندىك الىندى.
سونداي-اق الەمدەگى ەڭ ۇلكەن ونلاين-ءبىلىم بەرۋ پلاتفورماسى بولىپ تابىلاتىن Coursera كومپانياسى وسىنداي پاندەميا ۋاقىتىندا الەمنىڭ ۋنيۆەرسيتەتتەرىنە كومەكتەسۋگە ارنالعان جاڭا قىزمەت Coursera for Campus جوباسىن ىسكە قوستى. ەسەنوۆ ۋنيۆەرسيتەتى وسى جوبانىڭ قاتىسۋشىسى. قاشىقتىقتان وقىتۋ بارىسىندا ۋنيۆەرسيتەت وقىتۋشىلارى Coursera for Campus جوباسىنداعى ءوز پاندەرىمەن بايلانىستى كوپتەگەن ونلاين كۋرستاردى سەمينار جانە زەرتحانالىق ساباقتاردا قولداندى.
-ەسەنوۆ ۋنيۆەرسيتەتىندە اعىمداعى وقۋ جىلىندا ستۋدەنتتەرگە ساباق بەرۋ پروتسەسسى «كانۆاس» پلاتفورماسى ارقىلى جۇزەگە اسىرىلا باستادى. وقۋ جىلىنىڭ 2 وقۋ سەمەسترى كەزەڭىندە, حالىقتىڭ سىرقاتتانۋشىلىق دەڭگەيىنىڭ تۇراقتى تومەندەۋىنە بايلانىستى, 1 كۋرس ستۋدەنتتەرى ارالاس فورمادا: ءدارىس ساباقتارى ونلاين جۇيەدە, تاجىريبە ساباقتارى, زەرتحانالىق جۇمىستار وففلاين جۇيەدە ۇيىمداستىرىلدى. قالعان كۋرستار ساباقتارى ونلاين رەجيمىندە جالعاستىرىلۋدا. ۋنيۆەرسيتەتتە وقىتۋدا بارلىق تالاپقا ساي سانيتارلىق-ەپيدەميولوگيالىق رەجيمدى ساقتاي وتىرىپ ءبىلىم الۋعا مۇمكىندىك بەرىلدى. باستى تالاپ ادام دەنساۋلىعى بولعاندىقتان, وقۋ اۋديتوريالارىندا, دالىزدەردە مىندەتتى تۇردە سانيتارلىق نورمالارعا سايكەس ارا قاشىقتىقتى ساقتاۋ, بەت پەردە كيۋ, انتيسەپتيك قولدانۋ, ءۇش ادامنان ارتىق توپتاسپاۋ شارالارى قولعا الىنىپ, بۇل شارالاردى قاتاڭ ساقتاۋ ستۋدەنتتەر مەن وقىتۋشىلارعا, ۋنيۆەرسيتەتتىڭ بارلىق قىزمەتكەرلەرىنە مىندەتتەلدى, دەيدى بيزنەس جانە قۇقىق فاكۋلتەتىنىڭ دەكانى گ. دجولداسباەۆا.
ماڭعىستاۋ وبلىسى
