«توتەشە جاعدايدىڭ باسىم بولىگى مول جاۋىن-شاشىن تۇسۋىنە, قاردىڭ جىلدام ەرۋىنە بايلانىستى كەيبىر تابيعي قۇبىلىستاردى قوسپاعاندا, نەگىزىنەن ادامنىڭ كىناسىنەن ورىن الادى. ادامي فاكتور باسىم. ياعني, گيدروتەحنيكالىق قۇرىلىستاردى, ارنالاردى دۇرىس پايدالانباۋ, ولاردىڭ جۇمىسقا قابىلەتتى ەكەندىگىن دەر ۋاقىتىندا تەكسەرمەۋ, سالدارىن جويۋ ءۇشىن ناقتى شارالار قابىلداماۋ. جالپى, قازاقستاندا شامامەن 6 مىڭ گيدروتەحنيكالىق قۇرىلىس بار. قولدانىستاعى سۋ كودەكسىنە سايكەس ولارعا پايدالانۋشى ۇيىمدار جاۋاپ بەرەدى», دەدى مينيستر.
ونىڭ اتاپ وتۋىنشە, اتالعان نىساننىڭ 5 مىڭنان استامى مەملەكەتتىك مەنشىكتە بولسا, شامامەن 900 نىسان جەرگىلىكتى اتقارۋشى ورگانداردىڭ, ال شامامەن 250 نىسان جەكە مەنشىك قاراماعىندا.
«زاڭناما مەملەكەتتىك بولسا دا, جەكە قۇرىلىمدا بولسا دا مۇنداي گيدروتەحنيكالىق قۇرىلىستاردىڭ جاي-كۇيىنە, دۇرىس پايدالانىلۋىنا جانە اپاتتىق جاعدايلارعا جول بەرمەۋ شارالارىن قابىلداۋىنا مونيتورينگ جۇرگىزۋدى مىندەتتەيدى», دەدى يۋري يلين.
