وڭىرلىك كوپشىلىك تالقىلاۋ اقمولا, قوستاناي, سولتۇستىك قازاقستان وبلىستارىنىڭ بەلسەندى ازاماتتىق قوعام وكىلدەرىنىڭ قاتىسۋىمەن جۇرگىزىلدى.
تالقىلاۋ بارىسىندا قاتىسۋشىلار ءوز ۇسىنىستارىمەن بولىسكەن بولاتىن. اتاپ ايتقاندا, قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا قوعامدىق باقىلاۋ وبەكتىلەرى مەن سۋبەكتىلەرىنىڭ قاتارىن كەڭەيتۋدى جانە دە ۇعىمدىق اپپاراتقا «قوعامدىق مۇددە» ۇعىمىنىڭ انىقتاماسىن ەنگىزۋدى ۇسىندى.
«ۆولونتەرسكوە دۆيجەنيە Lider.kz» قق باسشىسى بايموۆا ولەسيا زاڭدا قوعامدىق باقىلاۋ سۋبەكتىلەرى مەن وبەكتىلەرىنىڭ تىزبەسىن كەڭەيتۋدى, سونداي-اق حالىقتى باق-تا قانداي دا ءبىر تەكسەرۋدىڭ قورىتىندىلارى تۋرالى عانا ەمەس, تەكسەرۋ بارىسى تۋرالى دا حاباردار ەتۋ قاجەتتىگىن مالىمدەدى. سونداي-اق, قوعامدىق باقىلاۋعا ارنالعان ينتەرنەت-پلاتفورما قۇرۋ مۇمكىندىگىن قاراستىرۋدى ۇسىندى.
«جاس اتامەكەن» جاس كاسىپكەرلەر كلۋبىنىڭ پرەزيدەنتى كوكجانوۆا زارينا قوعامدىق باقىلاۋدىڭ ماقساتتارى مەن مىندەتتەرىن كەڭەيتۋدى ۇسىندى.
جۇمىس توبىنىڭ مۇشەسى, جەرگىلىكتى ءوزىن-ءوزى باسقارۋدى دامىتۋ ينستيتۋتىنىڭ ديرەكتورى سەرگەي حۋدياكوۆ زاڭنىڭ بارلىق باپتارىنا جەكە توقتالىپ, ءوز ۇسىنىستارىن اتاپ ءوتتى. نەگىزىنەن, قوعامدىق باقىلاۋ وبەكتىلەرىنە تابيعي مونوپوليالار سۋبەكتىلەرىن قوسۋ, سونداي-اق قوعامدىق باقىلاۋدىڭ جاڭا نىسانى – الەۋمەتتىك ءاۋديتتى قوسۋ جانە قوعامدىق باقىلاۋ جۇرگىزۋدەگى سۋبەكتىنىڭ ءوز باستاماسىن قوعامدىق باقىلاۋدىڭ جۇزەگە اسىرۋ نەگىزدەرىنە ەنگىزۋ قاجەت ەكەنىن حابارلادى.
جۇمىس توبىنىڭ مۇشەسى, «The Last Hope» ۇكىمەتتىك ەمەس ۇيىمى» قب باسشىسى رۋسلان اساۋباەۆتىڭ پىكىرىنشە, قوعامدىق باقىلاۋ وبەكتىلەرىنىڭ قاتارىنا بيۋدجەت قاراجاتى ەسەبىنەن جۇمىستاردى, قىزمەتتەر مەن تاۋارلاردى ۇسىناتىن مەملەكەتتىك ساتىپ الۋعا قاتىساتىن بارلىق زاڭدى تۇلعالاردى قوسۋ قاجەت.
سونىمەن قاتار, كەزدەسۋ بارىسىندا قوعام وكىلدەرى كارجاسوۆا سارا, مۇساباەۆا گۇلباحشا, التىنباەۆا كەنجەگۇل, كوۆال اندرەي, دجامەنكوۆ نۇرلان, پەتروۆا ليۋدميلا, ۋتەباەۆا دينارا جانە كاكەنوۆ ابىلايحان ءوز ۇسىنىستارىمەن ءبولىستى.
زاڭ جوباسىن تالقىلاۋ بويىنشا كەلەسى وڭىرلىك وتىرىستى الماتى, جامبىل, قىزىلوردا, تۇركىستان وبلىستارىنىڭ جانە شىمكەنت قالاسىنىڭ قوعام وكىلدەرىمەن وتكىزۋ جوسپارلانۋدا.
