ۇلتتىق قاۋىپسىزدىك كوميتەتى شەكارا قىزمەتى اكادەمياسىنىڭ دالالىق وقۋ ورتالىعىندا الماتى گارنيزونىنىڭ اسكەري بولىمدەرىنە كەلگەن جاس ساربازدار ءۇشىن تانىستىرۋ ساباعى وتكىزىلدى, دەپ حابارلادى قر ۇقك شق ءباسپاسوز قىزمەتى.
ۇلتتىق قاۋىپسىزدىك كوميتەتى شەكارا قىزمەتى اكادەمياسىنىڭ دالالىق وقۋ ورتالىعىندا الماتى گارنيزونىنىڭ اسكەري بولىمدەرىنە كەلگەن جاس ساربازدار ءۇشىن تانىستىرۋ ساباعى وتكىزىلدى, دەپ حابارلادى قر ۇقك شق ءباسپاسوز قىزمەتى.
تاۋەلسىزدىك كۇنى قارساڭىندا اسكەري انت قابىلداعان ساربازدار ناعىز جاۋىنگەرلىك ومىرمەن تانىستى, ونىڭ ىشىندە شەكارا اسكەرلەرىنىڭ ساناتىنداعى قارۋ-جاراق پەن شەكارانى قورعاۋعا ارنالعان تەحنيكالىق قۇرالداردىڭ مۇمكىندىكتەرى كورسەتىلدى. اسكەري كيىم-كەشەكتىڭ ءتۇر-ءتۇرىنەن باستاپ راديولوكاتسيالىق قۇرالداردىڭ جۇمىس ىستەۋىنە دەيىن كورسەتۋ جاعى دا ەستەن شىعارىلمادى.
شەكارا بۇزۋشىلاردى ىزدەۋ جانە ۇستاۋ جولدارى, بۇل ماقساتتا جان-جانۋارلاردىڭ, ونىڭ ىشىندە قىزمەتتىك يتتەر مەن اتتاردىڭ كومەگىن قالاي پايدالانۋ كەرەكتىگى دە ءىس جۇزىندە كورىنىس تاپتى. اكادەميانىڭ ءبىرىنشى كۋرس ستۋدەنتتەرى اتقا ءمىنۋدىڭ قىر-سىرىن ءتۇسىندىردى.
بۇل كۇنى دالالىق وقۋ ورتالىعى جاۋىنگەرلىك ءىس-قيمىل الاڭىن ەسكە تۇسىرگەندەي بولدى. ءتۇتىندەتكىشتەر, اتىلعان قارۋ-جاراق, گراناتالاردىڭ جارىلعان دىبىستارى مەن وق-ءدارى ءيىسى جاس ساربازدارعا الداعى اسكەري ءومىردىڭ قالاي بولاتىندىعىن مەڭزەپ تۇرعانداي, ياعني بولاشاق قىزمەت بارىسىندا وسى اسكەري قيمىلداردىڭ بارلىعىن تەوريالىق جاعىنان عانا ەمەس, پراكتيكالىق تۇرعىدان دا وزدەرىنە مەڭگەرۋگە تۋرا كەلەدى.
اسكەري ءىس-قيمىلدار ەشكىمدى دە بەيجاي قالدىرمادى. «بوران» ارنايى بولىمشەسىنىڭ جاۋىنگەرلەرى شەكارانى بۇزۋشىلاردى قالاي ۇستاۋ كەرەكتىگىن ءىس جۇزىندە جوعارى شەبەرلىكپەن دالەلدەدى.
شەكارا قىزمەتىنىڭ ساپىنا كەلگەن جاس ساربازداردىڭ الدىندا جوعارىداعى قارۋ-جاراق تۇرلەرى مەن اسكەري قيمىلداردى تەرەڭ مەڭگەرىپ, ەرتەڭگى كۇنى ەلىمىزدىڭ قاسيەتتى شەكاراسىن كۇزەتۋ مىندەتى تۇر.
