ەلىمىزدىڭ جۇرەگى استانا كۇن سايىن قۇلپىرىپ, ءوسىپ كەلەدى. بۇگىندە تورتكۇل دۇنيەگە ءماشھۇر بولىپ وتىرعان ەلوردانىڭ وركەندەۋىنە وسىنداعى قالام ۇستاعان قاۋىمنىڭ دا قوسقان ۇلەسى زور. وسىعان وراي باس قالامىزدا قالا اكىمدىگىنىڭ قولداۋىمەن ومىردەن وزىپ كەتكەن دارىندى قالامگەر-جۋرناليستەردى ەسكە الۋعا ارنالعان «ولاردىڭ ەسىمدەرى جۇرەگىمىزدە» اتتى ادەبي-سازدى كەش ءوتتى.
ەلىمىزدىڭ جۇرەگى استانا كۇن سايىن قۇلپىرىپ, ءوسىپ كەلەدى. بۇگىندە تورتكۇل دۇنيەگە ءماشھۇر بولىپ وتىرعان ەلوردانىڭ وركەندەۋىنە وسىنداعى قالام ۇستاعان قاۋىمنىڭ دا قوسقان ۇلەسى زور. وسىعان وراي باس قالامىزدا قالا اكىمدىگىنىڭ قولداۋىمەن ومىردەن وزىپ كەتكەن دارىندى قالامگەر-جۋرناليستەردى ەسكە الۋعا ارنالعان «ولاردىڭ ەسىمدەرى جۇرەگىمىزدە» اتتى ادەبي-سازدى كەش ءوتتى.
وسىمەن ەكىنشى رەت وتكىزىلىپ وتىرعان اتالمىش شارادا ەربول شايمەردەنوۆ, دۇكەنباي دوسجان, ۆلاديمير گۋندارەۆ, اسكەن نابيەۆ, باقتىباي شاحانوۆ, اندرەي تريشەچكين, سابىرجان شۇكىروۆ, مارفۋعا بەكتەمىروۆا, ناتاليا حاباروۆا, يۆان بالۋچەۆسكي سىندى وزگە دە ازاماتتار ەسكە الىندى. سونداي-اق, كەشتە ولار تۋرالى بەينەماتەريالدار كورسەتىلىپ, قالامگەر-جۋرناليستەر جايىندا كوزكورگەن جاندار ەستەلىكتەر ايتتى.
«شارانى ۇيىمداستىرۋداعى باستى ماقساتىمىز بىرىنشىدەن ومىردەن مەزگىلسىز وزىپ كەتكەن استانالىق قالامگەر جۋرناليستەردى ءبىر ءسات ەسىمىزگە الىپ, ولاردىڭ رۋحىنا تاعزىم ەتۋ بولسا, ەكىنشىدەن كەيىنگى بۋىن جاستارعا ولاردىڭ شاھاردىڭ ءوسىپ-وركەندەۋىنە قوسقان قاجىرلى ەڭبەكتەرى جايىنان سىر شەرتۋ ەدى. وسىنداي يگى ماقساتپەن ەكىنشى رەت وتكىزىلىپ وتىرعان باسقوسۋ بۇيىرتسا الداعى ۋاقىتتا دا جالعاسىن تابادى دەپ ويلايمىن», – دەدى شارانىڭ باسى-قاسىندا جۇرگەن «تۇگەل-مەديا» بىرلەستىگىنىڭ باسشىسى سادىبەك تۇگەل.
ءابدىراحمان قىدىربەك,
«ەگەمەن قازاقستان».
