ادەبيەت • 03 اقپان، 2021

جاڭا جىلمەن كەلگەن «Janr»

101 رەت كورسەتىلدى

پارلامەنت سايلاۋى ءوتىپ، ساياسي ناۋقاننىڭ ابىر-سابىرى باسىلار-باسىلماستان جەتىسۋ جاقتان جىل كەلگەندەي جاقسى جاڭالىق جەتتى. تالدىقورعان قالاسىندا جاس قالامگەرلەردىڭ باسىن قوسار «Janr» ادەبي كلۋبى قۇرىلدى.

بۇگىندە قوعامدىق بىرلەستىك رەتىندە ادىلەت مينيسترلىگى­نىڭ تىركەۋىنەن ءوتىپ، العاشقى قا­نات­قاقتى جوبالارىن جاريا­لاپ ۇلگەرگەن ۇيىمنىڭ ون قۇرىل­تايشىسى بار. ءبارى جيىرما مەن قىرىقتىڭ ارالىعىنداعى جاستار. اتاپ ايتساق، ەسبولات ايدابوسىن، اينۇر تولەۋ، جانگەلدى نەمە­رەباەۆ، ازامات نۇرمۇحان، اسىل سۇلتانعازى سەكىلدى قىز-جىگىتتەر. كلۋب مۇشەلەرى دە جاستار، قىرىق بەس جاسقا دەيىنگى جاس اقىن-جازۋشىلار قابىلدانادى. بۇل رەتتە الماتى وبلىسىنىڭ شالعاي اۋداندارىندا تۇراتىن اۆتورلار دا ۇمىت قالمايدى. ولار ادەبي كلۋبتىڭ سول وڭىردەگى وكىلى قىزمەتىن اتقارماق.

«Janr» ادەبي كلۋبى ءوز جۇمى­سىن مۇقاعالي ولەڭىمەن باس­تادى. ناقتى ايتقاندا، اقيىق اقىن­نىڭ 90 جىلدىعىنا وراي «مۇ­قاعالي وقۋلارى» ەستافەتا­سىن جاريالاعان بولاتىن. بۇ­گىندە سول ناۋقانعا ەلىمىزدەگى ءبىر­تالاي قالامگەر اتسالىسىپ، الەۋمەتتىك جەلىدە ادەبي سەر­پىلىس تۋدىردى. جانردىڭ بۇدان بولەك جوسپارلارى كوپ ەكەن. مىسالى، بيىلدىڭ وزىندە ال­ماتى وبلىستىق مادەنيەت، ارحيۆتەر جانە قۇجاتتاما باسقار­ماسىمەن بىرلەسىپ وننان اسا شارا ۇيىمداستىرماق. ونىڭ ىشىندە بالالار ادەبيەتىنە ارنالعان بايقاۋلار وتكىزۋ، ادەبي ولكەتانۋ بويىنشا كىتاپتار شىعارۋ، اۋديو كىتاپتار ازىرلەپ، ونى تاراتۋ سەكىلدى ءىرى جوبالار بار. سونىمەن قاتار جەتىسۋلىق ادە­بيەت الىپتارىنىڭ مەرەيتويلارى دا باستى نازاردا. بۇل رەتتە جىر الىبى جامبىلدىڭ 175 جىلدىعى، سايىن مۇراتبەكوۆتىڭ 85 جىلدىعى ءوز دەڭگەيىندە توي­لانباق. كلۋب جەتەكشىلەرى وڭىر­دەگى قالامگەرلەردىڭ تانى­مال­­دى­عىن ارتتىرۋ، ءبىلىم-بى­لى­گىن كوتەرۋ ماسەلەسىنە دە باسا نازار اۋدار­ماق. بۇل رەت­تە اقىن-جازۋشىلار­دىڭ شىعار­ماشىلىق كەشتەرى مەن كەزدەسۋ­لەرىن ۇيىمداستىرۋ، ادەبي تالقى، شەبەرلىك كلاسس، ترەنينگتەر جاساماق.

جالپى، سوڭعى ۋاقىتتا جە­تىسۋ ادەبيەتىندە ءبىر سىلكىنىس باي­­قالادى. جەرگىلىكتى بيلىك تە ادەبيەتتى قولداۋدا وزگە وڭىرلەرگە ۇلگى بولارلىقتاي جۇمىس ىستەپ جاتىر. ماسەلەن، الماتى وبلىسى اكىمدىگىنىڭ قولداۋىمەن جىل سايىن قىرىققا جۋىق اۆ­توردىڭ كىتابى جارىق كورەدى. وبلىستا تۇراتىن قالامگەرلەردىڭ ءبىر پا­را­سىنا اكىمنىڭ ارنايى ستيپەندياسى تاعايىندالعان. بىرەر جىل بۇرىن وبلىس اكىمى اماندىق باتا­لوۆ جاس قالامگەرلەرگە باس­پانا سىيلاعانىن دا بىلەمىز. بۇل دا بولسا ادەبيەتكە ۇلكەن قام­قورلىق. سوندىقتان «Janr» سەكىل­دى ادەبي بىرلەستىكتىڭ باسقا ەمەس، الماتى وبلىسىندا ومىرگە كە­لۋى زاڭدىلىق ىسپەتتى. ءبىز ءوز كەزە­گىندە كلۋب جۇمىسىنا ساتتىلىك تىلەي­مىز. «Janr» قالامگەرلەردىڭ شى­عار­ماشىلىعىن جانىر قايراق بولسىن!

 

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار