بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي, وقيعا 2 اقپان كۇنى ءبورلى اۋدانى اقسۋ اۋىلىندا بولدى. ساعات 09.05-تە ەكى پاتەرلىك ۇيدە ءورت شىققانى جونىندە حابار تۇسكەن.
ءورت سوندىرۋشىلەر جەتكەن كەزدە پاتەردىڭ بىرەۋى وتقا ورانعانى انىقتالدى. جالىن ەكىنشى پاتەردىڭ دە شاتىرىن شارپىعان. ءورت اۋماعى 100 شارشى مەتردى قۇرادى. ء«تىلسىز جاۋ» ساعات 10.37-دە تولىقتاي اۋىزدىقتالدى. قازىرگى كەزدە ءورتتىڭ شىعۋ سەبەبى, كىنالىلەر, كەلتىرىلگەن شىعىن انىقتالۋ ۇستىندە.
وڭىردە جىل باسىنان بەرى 32 ءورت بولىپ, سونىڭ سالدارىنان 2 ادام جاراقات الدى. ەسكە سالا كەتەيىك, بۇدان بۇرىن ورالدا جەكە تۇرعىن ءۇيدىڭ ورتەنگەنىن, گازدان ۋلانعان 58 جاستاعى ەر ادامنىڭ كوز جۇمعانىن جازعان بولاتىنبىز.
