ۋنيۆەرسيتەتتەگى العاشقى كۇندى ۇزاق جىلدار بويى ەستە ساقتاۋ ءۇشىن جوو-نىڭ ستۋدەنتتىك ءوزىن-ءوزى باسقارۋ ۇيىمى ءبىرىنشى كۋرس ستۋدەنتتەرىنە توسىن سىي دايىندادى. ءارتۇرلى كونكۋرستار ۇيىمداستىرىلدى. ءبىلىم الۋشىلار ءبىر-بىرىمەن تانىسىپ, ساباق اراسىنداعى ءۇزىلىستى كوڭىلدى وتكىزدى.
بارلىعى 458 ستۋدەنت ۋنيۆەرسيتەتكە كەلىپ, بەكىتىلگەن كەستەگە سايكەس ساباقتارىنا قاتىستى. عيماراتقا كىرەبەرىستە ءبىلىم الۋشىلار ديزينفەكتسيادان ءوتىپ, دەنە قىزۋلارى ولشەندى. ستۋدەنتتەر ارا-قاشىقتىقتى ساقتاپ اۋديتوريالارعا جايعاستى. ولاردىڭ سانيتارلىق نورمالاردى ساقتاۋى قاتاڭ باقىلاندى.
60 جىلدان استام ۋاقىت بويى شقتۋ ءوز شاڭىراعىنا جاڭا ستۋدەنتتەردى قابىلداپ, قالىپتاسقان تۇلعالاردى - ناعىز مامانداردى شىعارىپ كەلەدى. بۇل كۇنى ءبىلىم الۋشىلارعا ءبىلىم جولىنان تايماي, ەڭبەك ەتۋدى تىلەيمىز. ۇيرەنىڭىز, وقىڭىز جانە ماقساتقا جەتىڭىز. سىزدەردىڭ امبيتسيالارىڭىز, ۇمتىلىستارىڭىز, يدەيالارىڭىز بەن ارماندارىڭىز تاۋسىلماسىن جانە ومىرلەرىڭىز قىزىققا تولى بولسىن!
وسكەمەن
