ونىڭ ايتۋىنشا, مەملەكەت باسشىسى قاسىم-جومارت توقاەۆتىڭ تاپسىرماسى اياسىندا ازىرلەنىپ جاتقان «جاسىل قازاقستان» ۇلتتىق جوباسىن ىسكە اسىرۋ اۋانىڭ لاستانۋ دەڭگەيى جوعارى 10 قالاداعى جاعدايدى جاقسارتۋعا مۇمكىندىك بەرەدى.
«جاسىل قازاقستان» ۇلتتىق جوباسى 7 نەگىزگى بولىمنەن تۇرادى: سۋ نىساندارىن ساۋىقتىرۋ, اۋانىڭ لاستانۋ دەڭگەيىن تومەندەتۋ, قالدىقتاردى باسقارۋ, بيوالۋانتۇرلىلىكتى ساقتاۋ, ەلدى كوگالداندىرۋ, ەنەرگيا تيىمدىلىگى, ەكوقۇرىلىم جانە ەكولوگيالىق مادەنيەتتى ارتتىرۋ. بۇل تەمىرتاۋ, نۇر-سۇلتان, الماتى, اقتوبە, اتىراۋ, وسكەمەن, قاراعاندى, بالقاش, جەزقازعان جانە شىمكەنت قالالارىندا ەكولوگيالىق جاعدايدى جاقسارتۋعا ىقپال ەتەدى», دەپ حابارلادى مينيستر.
ۆەدومستۆو باسشىسى اتاپ وتكەندەي, 2025 جىلعا قاراي اعىن سۋلاردى توگۋ كولەمىن تومەندەتۋگە قول جەتكىزۋ, قالدىقتاردى وڭدەۋ ۇلەسىن 18% - دان 35%-عا دەيىن ارتتىرۋ, سونداي-اق ەلدىڭ ءجىو ەنەرگيا سىيىمدىلىعىن تومەندەتۋ جوسپارلانۋدا.
«ورمان قورىندا 2 ملرد. اعاش وتىرعىزۋ بويىنشا جۇرگىزىلىپ جاتقان جۇمىستاردىڭ تيىمدىلىگىنە قوعامدىق مونيتورينگ جۇرگىزۋ ءۇشىن ەكولوگيا مينيسترلىگىنىڭ قولدانىستاعى گەوپورتالىنىڭ بازاسىندا ينتەراكتيۆتى كارتانى قۇرۋ ۇسىنىلادى. قازىر وسى گەوپورتالدا ورمان ورتتەرى مەن زاڭسىز اعاش كەسۋ مونيتورينگى ونلاين رەجيمدە جۇرگىزىلۋدە», دەپ اتاپ ءوتتى ماعزۇم مىرزاعاليەۆ.
ەكىنشى ۇلتتىق جوبا ءۇشىن بۇرىن ازىرلەنگەن سۋ رەسۋرستارىن باسقارۋ جونىندەگى مەملەكەتتىك باعدارلامانىڭ جوباسىن قايتا قۇرۋ جوسپارلانۋدا.
ء«بىز سۋ رەسۋرستارىن باسقارۋ جونىندەگى مەملەكەتتىك باعدارلامانىڭ جوباسىن ازىرلەدىك. بۇگىندە اتالعان مەملەكەتتىك باعدارلامانى ۇلتتىق جوباعا اينالدىرۋ جۇمىستارى جۇرگىزىلۋدە. سۋ ديپلوماتياسىن نىعايتۋ ءۇشىن مەملەكەتارالىق سۋ قاتىناستارىن جەتىلدىرۋدى, تسيفرلاندىرۋدى, سۋ رەسۋرستارىن ەسەپكە الۋ مەن مونيتورينگىلەۋدى, سۋ ۇنەمدەۋدى, يرريگاتسيالىق جۇيەلەر مەن قۇرىلىستاردى قالپىنا كەلتىرۋدى قامتيتىن 6 نەگىزگى باعىت ايقىندالدى», - دەپ حابارلادى مينيستر. اتالعان تارماقتاردان باسقا, قۇقىقتىق بازانى جاڭارتۋ, جاڭا رەداكتسياداعى سۋ كودەكسىن ازىرلەۋ, سونداي-اق سۋ سالاسىنىڭ ماماندارىن دايارلاۋ جونىندەگى جۇمىستى كۇشەيتۋ جوسپارلانۋدا.
«ناتيجەسىندە 119 ارنانى تسيفرلاندىرۋ جۇمىستارى جۇرگىزىلىپ, وزەن اعىسىنىڭ رەسۋرستارىن انىقتايتىن اقپاراتتىق جۇيە قۇرىلادى. بۇدان باسقا, قازىرگى زامانعى سۋ ۇنەمدەۋ تەحنولوگيالارىن قولدانا وتىرىپ, سۋارمالى جەرلەردىڭ الاڭى 221 مىڭ گەكتاردان 420 مىڭ گەكتارعا دەيىن ۇلعايتىلاتىن بولادى», - دەپ ايتا كەتتى ماعزۇم مىرزاعاليەۆ.
بۇدان باسقا, ۇلتتىق جوبا اياسىندا 2 مىڭ كم-گە جۋىق ماگيسترالدىق ارنالاردى قايتا جاڭارتۋ, جالپى كولەمى 885 ملن.م3 بولاتىن 8 جاڭا سۋ قويماسىن سالۋ جوسپارلانۋدا.
«جاڭا سۋ قويمالارى جامبىل, باتىس قازاقستان, تۇركىستان, الماتى جانە قىزىلوردا وبلىستارىندا سالىنادى. 2025-2030 جىلدار ارالىعىندا تاعى 31 جاڭا سۋ قويماسى سالىنادى», دەپ تۇيىندەدى مينيستر.
ۇلتتىق جوبالاردى ازىرلەۋ بويىنشا جۇمىستى بيىلعى جىلدىڭ 1 شىلدەسىندە اياقتاۋ جوسپارلانىپ وتىر.
