الەم • 02 اقپان، 2021

قىتايدا جالعان ۆاكتسينا ازىرلەنىپ جاتىر

160 رەت كورسەتىلدى

قىتاي پوليتسياسى ارنايى وپەراتسيا بارىسىندا كوروناۆيرۋسقا قارسى جالعان ۆاكتسينانىڭ ۇلكەن پارتياسىن تاركىلەدى، دەپ حابارلايدى Egemen.kz

بارلىعى ءۇش مىڭنان استام جالعان ەكپە دوزاسى تابىلدى. سونداي-اق ساۋدا جەلىلەرى دارىلىك زاتتىڭ اتاۋىن جامىلىپ، جىمىسقى ارەكەتتەرىن جۇزەگە اسىرعان. وعان قوسا امپۋلالارعا فيزيكالىق ەرىتىندى ايدايتىن شەبەرحانا جۇمىس ىستەيتىنى بەلگىلى بولدى. ناتيجەسىندە، 80-نەن استام ادام ۇستالدى. ولار «ۆاكتسينانى» حالىققا جوعارى باعامەن ساتقان.

بەلگىلى بولعانداي، رەسمي ۆاكتسيناتسيا ازاماتتار ءۇشىن اقىسىز جانە تەك ليتسەنزيالانعان ورتالىقتاردا جۇرگىزىلەدى.

ايتا كەتسەك، قىتايدا ەگۋ ناۋقانى Sinovac ۆاكتسيناسىمەن جۇزەگە اسىرىلىپ جاتىر.

 

ايتولكىن مىرزاكاريم

سوڭعى جاڭالىقتار

ۇقساس جاڭالىقتار