ەل ازاماتتىعىن ينۆەستورلار, ونەرتاپقىشتار, دارىگەرلەر, عالىمدار جانە سۋرەتشىلەر, سونداي-اق ولاردىڭ وتباسىلارىنىڭ مۇشەلەرى الا الادى. ءاربىر كاتەگوريا ءۇشىن ءوز ەرەجەلەرى بار, وتىنىشتەرىن جەرگىلىكتى اتقارۋشى بيلىك باسقارمالارى, سونداي-اق ۇكىمەت قاراستىرادى.
ينۆەستورلار ازاماتتىق الۋ ءۇشىن ءباا اۋماعىندا جىلجىمايتىن م ۇلىك نەمەسە ەلدىڭ ەكونوميكا مينيسترلىگى ماقۇلداعان پاتەنت يەسى بولۋى شارت. دارىگەرلەر مەن ينجەنەرلەر مەملەكەت قاجەت ەتەتىن بىرەگەي عىلىمي سالالاردا جۇمىس ىستەۋى, سونداي-اق جۇمىس تاجىريبەسى 10 جىلدان كەم بولماۋى ءتيىس. بۇل ماسەلە سونىمەن قاتار بەلسەندى عىلىمي قىزمەتپەن اينالىسىپ, بەدەلدى ناگرادالارى بولۋى ءتيىس عالىمدارعا دا قاتىستى.
«جاڭا قاۋلى ءبىزدىڭ دامۋىمىزعا سەپتىگىن تيگىزەتىن تالانتتى ادامداردى تارتۋعا باعىتتالدى», دەدى ءباا پرەمەر-ءمينيسترى, شەيح موحاممەد يبن ءراشيد ءال ماقتۋم.
