ەكولوگيا • 02 اقپان، 2021

ۋنيۆەرسيتەتتە ەكولوگيالىق كودەكس تالقىلاندى

35 رەت كورسەتىلدى

مەملەكەت باسشىسى قاسىم-جومارت توقاەۆ 2020 جىلدىڭ سوڭىنا دەيىن جاڭا ەكولوگيالىق كودەكستى قابىلداۋ مىندەتىن قويدى، دەپ حابارلايدى ەgemen.kz

وسى تاپسىرمانى ورىنداۋ اياسىندا قر ەكولوگيا، گەولوگيا جانە تابيعي رەسۋرستار مينيسترلىگى قازاقستان رەسپۋبليكاسىنىڭ جاڭا ەكولوگيالىق كودەكسىنىڭ جوباسىن ازىرلەدى.

وسى كودەكستى تالقىلاۋ جانە جاريالاۋ ماقساتىندا اقتاۋ قالاسىنداعى Yessenov University-دە قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مارات ۇلى مىرزاعاليەۆتىڭ توراعالىعىمەن وتىرىس ءوتتى.

وتىرىسقا ماڭعىستاۋ وبلىسىنىڭ اكىمى س.ترۇموۆ، Yessenov University پرەزيدەنتى ب.احمەتوۆ، جەر قويناۋىن پايدالانۋشى ءىرى كومپانيالاردىڭ باسشىلارى، ەكولوگيا  سالاسىنداعى ساراپشىلار جانە قوعام بەلسەندىلەر  قاتىستى. بيىل قابىلدانعان جاڭا ەكولوگيالىق كودەكس، نەگىزگى جانە  قاجەتتى قۇجاتتاردىڭ ءبىرى بولىپ تابىلادى، ونىڭ ىشىندە ونەركاسىبى دامىعان ماڭعىستاۋ وبلىسى ءۇشىن ماڭىزدىلىعى جوعارى. سوندىقتان، وندا كورسەتىلگەن تالاپتاردى ىسكە اسىرۋ تابيعات پايدالانۋشىلار مەن جالپى جۇرتشىلىق ءۇشىن نەگىزگى ۆەكتور بولىپ تابىلادى.

قورشاعان ورتاعا اسەردى باعالاۋ جانە كاسىپورىنداردىڭ ەڭ وزىق قولجەتىمدى تەحنولوگيالاردى ەنگىزۋىن ىنتالاندىرۋدى ارتتىرۋ جونىندەگى جاڭا تاسىلدەر، مەملەكەتتىك باقىلاۋدىڭ جاڭا تەتىكتەرى جانە "لاستاۋشى تولەيدى" تۇجىرىمداماسىن ىسكە اسىرۋ قاعيداتتارى تالقىلاندى.

سونداي-اق اكىمشىلىك ايىپپۇل مولشەرىن ۇلعايتۋ، جويۋ قورلارىن قۇرۋ جانە قورشاعان ورتانى قالپىنا كەلتىرۋ ماسەلەلەرى قاراستىرىلدى.

جەر قويناۋىن پايدالانۋشىلار تاريحي قالدىقتاردى قايتا وڭدەۋ بويىنشا جۇرگىزىلگەن جۇمىستار بويىنشا ەسەپتەردى تانىستىردى. 2020 جىلعا جەر قويناۋىن پايدالانۋشىلار 700 مىڭ توننادان استام تاريحي قالدىقتاردى وڭدەدى.

 "ەكو ماڭعىستاۋ" ۇەۇ باسشىسى ك. ۆ. وسين جەر قويناۋىن پايدالانۋشىلارمەن باق-پەن تىعىز جۇمىس ىستەۋدى جانە وسىنداي وڭ ناتيجەلەردى قالىڭ جۇرتشىلىققا جاريالاۋدى ۇسىندى.

Yessenov University باسشىلىعى وبلىستىڭ ەكولوگيالىق پروبلەمالارىن شەشۋدە ۋنيۆەرسيتەتتىڭ عىلىمي-زەرتتەۋ الەۋەتىن پايدالانۋ بولىگىندە مەملەكەت پەن بيزنەسكە جاردەم كورسەتۋگە دايىندىعىن ءبىلدىردى.

ءوز كەزەگىندە مينيستر م.م. مىرزاعاليەۆ ءوڭىر باسشىلىعىن جانە جەر قويناۋىن پايدالانۋشىلاردى ماڭعىستاۋ ءوڭىرىنىڭ تۇراقتى دامۋى ءۇشىن باسەكەگە قابىلەتتى مامانداردى دايارلاۋ جانە عىلىمي زەرتتەۋلەردى ىلگەرىلەتۋدە ايماقتاعى Yessenov University-گە جان-جاقتى قولداۋ كورسەتۋگە شاقىردى.

وتىرىستان كەيىن ماعزۇم مارات ۇلى ۋنيۆەرسيتەت ۇجىمى جانە ستۋدەنتتەرىمەن كەزدەستى. كەزدەسۋ ەركىن فورماتتا ءار سالاداعى سۇراق-جاۋاپتارمەن تولىقتى. ماعزۇم مىرزا Yessenov University تۇلەگى رەتىندە ءوز ۋنيۆەرسيتەتىنىڭ سوڭعى 10 جىلدا ۇلكەن جەتىستىكتەرگە جەتىپ، كوركەيىپ جاتقانىنا كوزى جەتىپ ءوز قۋانىشىن ءبىلدىردى. كەزدەسۋ ءساتىن پايدالانىپ، «Yessenov University تۇلەكتەر قاۋىمداستىعىنىڭ» مۇشەسى بولۋ تۋرالى دا كەلىسىلدى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار