بۇل رەسەي تاراپىنىڭ شارتتى ۇزارتۋ بويىنشا دايەكتى كۇش-جىگەرىنىڭ ناتيجەسىندە مۇمكىن بولدى جانە ول حالىقارالىق قاۋىپسىزدىككە ىقپال ەتەتىن بارلىق فاكتورلاردى ەسكەرە وتىرىپ, زىمىران-يادرولىق قارۋ-جاراقتى ودان ءارى باقىلاۋ بويىنشا كەشەندى جۇمىستاردى جۇزەگە اسىرۋعا ۋاقىت بەرەدى.
اقش-تىڭ جاڭا اكىمشىلىگىنىڭ سشق-ءىىى شارتىن كەلەسى بەس جىلعا ۇزارتۋ تۋرالى تۇبەگەيلى كەلىسىمى ەكىجاقتى قارىم-قاتىناستاردى وڭالتۋعا جانە ءوزارا سەنىمدى قالپىنا كەلتىرۋگە ءۇمىت بەرەتىن وڭ بەلگى. شارتتى ۇزارتۋ مەملەكەتتەردىڭ جاۋاپتى مىنەز-ق ۇلىقتىڭ, يادرولىق قارۋسىزدانۋ ۇدەرىسىنە بەيىلدىلىگىنىڭ جانە قارۋ-جاراقتىڭ قاۋىپتى جارىسىنىڭ الدىن الۋدىڭ ۇلگىسىن كورسەتەدى. شارت ەكى مەملەكەتتىڭ ستراتەگيالىق قارىم-قاتىناسىنىڭ اشىقتىعى مەن بولجامدىلىعىن ساقتاۋعا, سونداي-اق, يادرولىق قارۋدى تاراتپاۋ تۋرالى شارتتىڭ (ياقتش) VI بابىنا سايكەس يادرولىق قارۋسىزدانۋدىڭ دايەكتى ۇدەرىسىنىڭ ساباقتاستىعىن قامتاماسىز ەتۋگە باعىتتالعان.
كەلەشەكتە ول قر تۇڭعىش پرەزيدەنتى – ەلباسى ن.ءا.نازارباەۆتىڭ يادرولىق دەرجاۆالار كوشباسشىلارىنىڭ كەزدەسۋىن وتكىزۋ تۋرالى باستاماسى شەڭبەرىندە كوپجاقتى ديالوگقا نەگىز بولۋى ءتيىس. قازاقستان كسرو-نىڭ قۇقىقتى ميراسقورلارىنىڭ ءبىرى رەتىندە 1991 جىلعى ستراتەگيالىق شابۋىل قارۋ-جاراقتارىن قىسقارتۋ مەن شەكتەۋ تۋرالى شارتىنىڭ (سشق-ءى) تاراپى بولىپ, 1992 جىلعى 23 مامىردا ليسسابون حاتتاماسىنا قول قويدى. قازاقستان ليسسابون حاتتاماسىنىڭ ەرەجەلەرىن ورىنداۋ شەڭبەرىندە يادرولىق قارۋى جوق مەملەكەت رەتىندە ياقتش-عا قوسىلدى.
ءبىزدىڭ ەلىمىزدىڭ قۋاتى جاعىنان الەمدەگى ءتورتىنشى يادرولىق قارۋ ارسەنالىنان ءوز ەركىمەن باس تارتۋ تۋرالى تاريحي شەشىمى جاپپاي قىرىپ-جويۋ قارۋىنىڭ قاۋىپ-قاتەرىنەن ازات الەمگە قول جەتكىزۋ جولىنداعى بۇلجىماس باعىتىمىزدىڭ بەرىك نەگىزىنە اينالدى.
بۇۇ باس اسسامبلەياسىنىڭ 75-سەسسياسىندا سويلەگەن سوزىندە قر پرەزيدەنتى ق.ك.توقاەۆ يادرولىق دەرجاۆالاردى ادامزاتتى يادرولىق اپاتتان قۇتقارۋعا باعىتتالعان قاجەتتى ءارى كەزەك كۇتتىرمەس بارلىق شارالاردى قولعا الۋعا ۇندەدى.
يادرولىق قارۋعا تىيىم سالۋ تۋرالى شارتىنىڭ كۇشىنە ەنۋى جانە سشق-ءىىى شارتىنىڭ ۇزارتىلۋى ياقتش شولۋ كونفەرەنتسياسى قارساڭىندا بىرىككەن ۇلتتار ۇيىمىنىڭ 100-جىلدىعىنا, ياعني 2045 جىلعا دەيىن يادرولىق قارۋدان ازات الەمگە قول جەتكىزۋ جولىندا سىندارلى ديالوگ قۇرىپ, ءوزارا سەنىمدى قالپىنا كەلتىرۋگە سەپتىگىن تيگىزەدى دەپ سەنەمىز.
