تاڭەرتەڭ وبلىسقا «سپۋتنيك V» ۆاكتسيناسىنىڭ 1 مىڭ دوزاسى كەلگەن. جالپى جىل ىشىندە 80 مىڭ دوزا اكەلىنەدى. ءبىرىنشى كەزەكتە ەرىكتى تۇردە مەديتسينا قىزمەتكەرلەرىنە, پەداگوگتەرگە, سوزىلمالى اۋرۋلارمەن اۋىراتىن توپتاعى ادامدارعا سالىنادى. 18 جاسقا دەيىنگى بالالار جانە 65 جاستان اسقار قاريالارعا ەكپە سالىنبايدى. بۇگىندە وبلىس بويىنشا 14 ەگۋ كابينەتى بەلگىلەندى. بۇدان بولەك, شالعاي ەلدى مەكەندە تۇراتىن ازاماتتارعا ۆاكتسينا سالۋ ءۇشىن 46 جىلجىمالى ەگۋ بريگاداسى ۇيىمداستىرىلدى.
قازىر وبلىس «جاسىل» ايماقتا. ەپيدەميولوگيالىق احۋال تۇراقتى. كۇردەلەنگەن جاعدايدا 8 ستاتسيونار, 61 العاشقى مەديتسينالىق-سانيتارلىق مەكەمە جۇمىلدىرىلاتىن بولادى. 54 فيلتر كابينەتى, قوسىمشا 79 تەلەفون شاقىرۋلار مەن كونسۋلتاتسيالار ءۇشىن جۇمىس ىستەيدى. سونداي-اق ءۇي جاعدايىندا قىزمەت كورسەتۋ ءۇشىن قوسىمشا 81 اۆتوكولىك قاراستىرىلعان.
