مەملەكەت باسشىسى نۇرسۇلتان نازارباەۆ استاناداعى «قازاقستان اسەلسان ينجينيرينگ» جشس بىرلەسكەن كاسىپورنىنىڭ ەلەكتروندىق-وپتيكالىق قۇرىلعىلار شىعاراتىن قازاق-تۇرىك بىرلەسكەن كاسىپورنى قىزمەتىمەن تانىستى, سونداي-اق, وندىرىستىك كورپۋستارىن قاراپ شىقتى. مەملەكەت باسشىسى قازاقستاندا مۇنداي جوعارى تەحنولوگيالىق ءوندىرىس قۇرۋدىڭ ماڭىزدىلىعىن ەرەكشە اتاپ ءوتتى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ استاناداعى «قازاقستان اسەلسان ينجينيرينگ» جشس بىرلەسكەن كاسىپورنىنىڭ ەلەكتروندىق-وپتيكالىق قۇرىلعىلار شىعاراتىن قازاق-تۇرىك بىرلەسكەن كاسىپورنى قىزمەتىمەن تانىستى, سونداي-اق, وندىرىستىك كورپۋستارىن قاراپ شىقتى. مەملەكەت باسشىسى قازاقستاندا مۇنداي جوعارى تەحنولوگيالىق ءوندىرىس قۇرۋدىڭ ماڭىزدىلىعىن ەرەكشە اتاپ ءوتتى, دەپ حابارلادى پرەزيدەنتتىڭ ءباسپاسوز قىزمەتى.
بۇعان قوسا, استانا قالاسىنىڭ اكىمى ي.تاسماعامبەتوۆ كاسىپورىندى ارالاۋ بارىسىندا «استانا – جاڭا قالا» يندۋستريالىق پاركى – ارنايى ەكونوميكالىق ايماعى جۇمىسىنىڭ ارالىق ناتيجەلەرى تۋرالى باياندادى, وندا كاسىپورىن ءوز قىزمەتىن جۇزەگە اسىرادى. جالپى, پارك اۋماعىندا جالپى ينۆەستيتسيا كولەمى 181 ملرد. تەڭگە بولاتىن 49 جوبا ءمالىم بولعان, ونىڭ ىشىندە 11 جوبا تابىستى جۇمىس ىستەۋدە, 8-ءى پايدالانۋعا بەرىلۋدە, ال قالعان 30-ى ىسكە اسىرىلۋ ۇستىندە.
«قازاقستان اسەلسان ينجينيرينگ» جشس ەلەكتروندىق-وپتيكالىق قۇرىلعىلار شىعاراتىن بىرلەسكەن كاسىپورنى نۇرسۇلتان نازارباەۆتىڭ تۇرىك رەسپۋبليكاسى باسشىلىعىمەن ۋاعدالاستىعىنا سايكەس 2011 جىلى قۇرىلعان بولاتىن.
بىرلەسكەن كاسىپورىنعا قاتىسۋشى – «اسەلسان» كومپانياسىمەن ترانسفەرت تەحنولوگياسى تۋرالى شارت اياسىندا تۇرىك تاراپى قازاقستاننىڭ قورعانىس-ونەركاسىپ كەشەنى ونىمدەرىنىڭ كومپونەنتتەرى بولىپ تابىلاتىن ەلەكتروندىق-وپتيكالىق قۇرىلعىلار, ەلەكتروندىق پلاتالار مەن لينزا ءوندىرىسى ءۇشىن تەحنولوگيالىق قۇجاتتار, ماتەريالدار مەن جابدىقتار ۇسىنىپ وتىر.
بۇعان قوسا, بىرلەسكەن كاسىپورىن ونىمدەرىن قازاقستاندىق قامتۋدى ءبىرىنشى كەزەڭدەگى 30 پايىزدان تاياۋ بەس جىل ىشىندە 67 پايىزعا دەيىن ۇلعايتۋ جوسپارلانعان.
* * *
استاناداعى «تاۋ-كەن التىن» جشس اففيناج زاۋىتىن ارالاۋ بارىسىندا مەملەكەت باسشىسى ءوندىرىس تسەحتارىن قاراپ شىعىپ, شىعارىلاتىن ونىمدەر ۇلگىلەرىمەن تانىستى, سونداي-اق, كاسىپورىن ۇجىمىمەن اڭگىمەلەستى.
زاۋىت قىزمەتىنىڭ باستى باعىتى – باعالى مەتالداردى ەلەكتروحيميالىق اففيناجداۋ.
اۋدانى 3,4 گەكتار بولاتىن كاسىپورىن «استانا – جاڭا قالا» يندۋستريالىق پاركى – ارنايى ەكونوميكالىق ايماعى اۋماعىندا ورنالاسقان.
اففيناج زاۋىتىنىڭ جوبالىق قۋاتى جىلىنا 25 توننا اففيناجدالعان التىن وندىرىسىنە ەسەپتەلگەن جانە ونىڭ باعالى مەتالدار ەلەكتروليزى بويىنشا وتاندىق يننوۆاتسيالىق تەحنولوگيانى ەنگىزۋ ەسەبىنەن 75 تونناعا دەيىن جەتكىزىلۋى مۇمكىن. جوبا وسى سالاداعى الەمدىك وزىق ۇلگىلەرگە سايكەس ازىرلەنگەن.
زاۋىتتى التىن جانە كۇمىس سۋۆەنيرلىك بۇيىمدار (زەرگەرلىك ونىمدەردەن باسقا) جانە تەحنيكالىق ماقساتتاعى ونىمدەر ءوندىرىسىن قۇرۋ ارقىلى ودان ءارى دامىتۋ قاراستىرىلۋدا. بۇل حيميالىق, مەديتسينالىق, زەرگەرلىك, اۆتوموبيل جانە وزگە دە سالالاردى, ماشينا جانە اسپاپ جاساۋ كاسىپورىندارىن باعالى مەتالداردان الىنعان بۇيىمدارمەن قامتاماسىز ەتۋگە مۇمكىندىك بەرەدى.
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.
