اقش پرەزيدەنتى باراك وباما سوچيدەگى وليمپيا ويىندارىنا قاتىساتىن رەسمي دەلەگاتسيا قۇرامىن اتاپ ءوتتى. بۇل تۋرالى يتار-تاسس حابارلادى.
باراك وباما مەن ونىڭ جۇبايى, سونداي-اق ۆيتسە-پرەزيدەنت تە سوچيگە باراتىن اقش دەلەگاتسياسى قۇرامىنا كىرگەن جوق. باراك وباما مۇنىڭ سەبەبىن جۇمىس كەستەسىنىڭ تىعىزدىعىمەن ءتۇسىندىردى. «پرەزيدەنت اقش سپورتشىلارىن ماقتان تۇتادى جانە ولارعا ۆاشينگتوننان جانكۇيەر بولىپ, قولداۋ كورسەتەدى», – دەپ جازىلدى اق ءۇيدىڭ حابارلاماسىندا.
سوچيدەگى وليمپيا ويىندارىنىڭ اشىلۋ سالتاناتىندا اقش دەلەگاتسياسىن باسقارۋ ىشكى قاۋىپسىزدىك ءمينيسترى دجانەت ناپوليتانوعا تاپسىرىلدى. ونىمەن قاتار, سالتاناتتى شاراعا پرەزيدەنتتىڭ كومەكشىسى روبەرت نەيبورس, رەسەيدەگى اقش ەلشىسى مايكل ماكفول, تەننيسشى بيللي دجين كينگ پەن مانەرلەپ سىرعاناۋدان وليمپيا ويىندارىنىڭ چەمپيونى برايان بويتانو قاتىسادى.
ايدار ورىسباەۆ.
دەرەككوز: Itar-tass.com
فوتو: Kapital.kz
