اۋدان اكىمى مۇسا قالداربەكوۆ مەرەيتوي يەسىن قۇتتىقتاپ, قۇرمەت كورسەتتى. «Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى ءلايلا تورەشوۆا پارتيا توراعاسىنىڭ ءبىرىنشى ورىنباسارى باۋىرجان بايبەكتىڭ قۇتتىقتاۋىن تابىستادى. وبلىستىق مادەنيەت, ارحيۆتەر جانە قۇجاتتاما باسقارماسى باسشىسىنىڭ ورىنباسارى نۇرشات ناۋرىزباەۆا ايماق باسشىسىنىڭ «قۇرمەت گراموتاسىن» جانە باسقارما باسشىسىنىڭ قۇتتىقتاۋىن تابىس ەتىپ, ىزگى لەبىزءىن جەتكىزدى.
قازاقستاننىڭ ەڭبەك سىڭىرگەن قايراتكەرى الماس الماتوۆ مەرەيتوي يەسىنە «ەر ەدىگە» داستانى جىرىنىڭ اۋديو نۇسقاسىن سىيعا تارتتى. ەلىمىزگە تانىمال جىرشى ۇلجان بايبوسىنوۆا جۇرگىزگەن كەشتە ارال وڭىرىندەگى نۇرتۋعان جىر مەكتەبىنىڭ وكىلى ايبەك ءتاڭىربەرگەنوۆ, جىرشى - جىراۋلار سەرىك جاقسىعۇلوۆ, بەيسەنبەك تولەۋباەۆ پەن مەرەيتوي يەسىنىڭ شاكىرتتەرى ايگەرىم ەشباەۆا, «دارىن» مەملەكەتتىك جاستار سىيلىعىنىڭ يەگەرى كۇنسۇلۋ تۇرىكپەن, توعجان باقىتوۆا , ماليكا الدامجاروۆا جىردان شاشۋ شاشتى.
