«استانا-رەك» اق ءباسپاسوز قىزمەتىنىڭ حابارلاۋىنشا, 30 قاڭتار كۇنى ساعات 20:58-دە «سول جاعالاۋ» ستانساسىنىڭ 407 ءنومىرلى 10 كۆ ۇياشىعى اپاتتىق جاعدايدا وشىرىلگەن. سالدارىنان سىعاناق, تۇركىستان جانە الماتى كوشەلەرىندەگى 6 تۇرعىن ۇيدە جارىق وشكەن. تۇرعىن ءۇي كەشەندەرىنىڭ قاجەتتىلىگىن (جىلىتۋ, سۋمەن قامتۋ, ليفت جۇمىسى) وتەۋ ءۇشىن جەدەل بريگادا ءبىر ساعاتتا ديزەل گەنەراتورلارىن ورناتتى. ەسىل اەج جەدەل-جوندەۋ بريگادالارىنىڭ, كابەلدىك جەلىلەر قىزمەتىنىڭ, سىناق جانە دياگنوستيكا قىزمەتىنىڭ كۇشىمەن (19 ادام) ەلەكتر بەرۋدىڭ كابەلدىك جەلىسى قالپىنا كەلتىرىلدى.
31 قاڭتار كۇنى ساعات 2:17-دە اتالعان 6 تۇرعىن ۇيدەگى ەلەكترمەن جابدىقتاۋ تولىق قالپىنا كەلتىرىلدى.
اپات سەبەبى: كابەل ارناسىن اشۋ كەزىندە ونداعى وقشاۋلاۋ قاباتىنىڭ تەسىلگەنى انىقتالدى, اقاۋلى بولىك ەكى مۋفتانى ورناتۋ ارقىلى اۋىستىرىلدى. جەلىنى تولىق قالپىنا كەلتىرگەن سوڭ, رەزەرۆتىك كابەلدىك جەلىدە جوندەۋ جۇمىستارى جۇرگىزىلەدى, بۇل تۇرعىن ءۇي كەشەندەرىنىڭ ەكىنشى ەلەكترمەن جابدىقتالۋىن قامتاماسىز ەتەدى.
«استانا-اەك» اق باس ينجەنەرى رۋسلان ءابجانوۆتىڭ ايتۋىنشا, تۇرعىن ءۇي كەشەندەرىن سالۋشىلار قۇرىلىستان كەيىن جەلىلەردى جەرگىلىكتى اتقارۋشى ورگانداردىڭ بالانسىنا بەرمەگەن, بۇل جەلىلەر «استانا-اەك» اق بالانسىنا بەرۋ ءۇشىن راسىمدەۋ ساتىسىندا تۇر. سونىمەن بىرگە, بۇل كابەلدىك جەلىلەردىڭ وقشاۋلاعىشىنا ءىشىنارا زاقىم كەلگەن, بۇل تۇرعىنداردى قالىپتى ەلەكترمەن جابدىقتاۋدى قيىنداتادى. قازىرگى ۋاقىتتا رەزەرۆتىك جەلىدە دە كابەلدىڭ زاقىمدانۋى تابىلىپ, جوندەلىپ جاتىر.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/astana-rek-ak-elordanyn-sol-zhagalauyndagy-apat-sebebin-tusindirdi_a3747447
