«جاڭا تۋعان سءابيىن قوقىس جاشىگىنە تاستاعان ايەل جۇكتىلىگىنە بايلانىستى دارىگەرلىك ەسەپكە تۇرماعان. جۇكتى ايەل جەدەل جاردەم ستانساسىنا قان كەتىپ, جاعداي قيىنداعان سوڭ عانا حابارلاسقان. مەديتسينا قىزمەتكەرلەرى العاشقى كومەك كورسەتۋ كەزىندە 35 جاستاعى كەلىنشەكتىڭ بوسانعانىن انىقتادى. الايدا, ايەل باستاپقىدا بوسانعانىن مويىنداماي, تۇسىكتەن كەيىنگى قان كەتۋ دەپ جالتارعان. ويتكەنى, ونىڭ جۇكتىلىگىنە بايلانىستى امبۋلاتوريالىق ەسەپكە تۇرماعانى انىقتالدى. ول جۇكتىلىگىن دارىگەرلەرگە ايتپاي, جاسىرىپ كەلگەن» دەيءدى ايگۇل قۇدامانوۆا.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, قىزىلقوعا اۋدانىندا 1 ەمحانا, 8 دارىگەرلىك امبۋلاتوريا, 1 فەلدشەرلىك امبۋلاتوريالىق پۋنكت جۇمىس ىستەيدى. اۋداندا اكۋشەر-گينەكولوگ دارىگەرلەردىڭ تاپشىلىعى جوق. قازىر اتالعان اۋداندا 434 جۇكتى ايەل دارىگەرلىك ەسەپتە تۇر. جىل باسىنان بەرى 44 ءسابي جارىق دۇنيە ەسىگىن اشقان.
