باسەكە بىزدەر ءۇشىن وتە ءساتتى باستالعان ەدى. ويىن تىزگىنىن بىردەن قولعا العان ايدىن يەلەرى قاتارىنان ەكى شايبانى قاقپاعا توعىتىپ, قازاقستاندىق جانكۇيەرلەردى ءبىر قۋانتىپ تاستادى. اتاپ ايتساق, 3-مينۋتتا كيريلل پانيۋكوۆ ەسەپ اشسا, 12-مينۋتتا نيكيتا ميحايليس نىسانانى ءدال كوزدەدى. ەكىنشى كەزەڭدە قوس كوماندا ءبىر-ءبىرىنىڭ وسال تۇسىن تابا المادى. ال ءۇشىنشى كەزەڭدە ءبىزدىڭ جىگىتتەر بىلگەندەرىنەن جاڭىلىپ, ءجيى قاتەلىككە ۇرىندى. بۇل مۇمكىندىكتى قوناقتار قالت جىبەرمەدى. كوزدى اشىپ, جۇمعانشا ولار ەكى گول سوقتى. 50 جانە 51 مينۋتتاردا فيليپ لارسەن مەن ساكاري ماننينەن تارازى باسىن تەڭەستىردى. ال قوسىمشا ۋاقىتتا الەكساندر الەكسەەۆ مەرگەندىك تانىتىپ, «سالاۆات يۋلاەۆقا» جەڭىس سىيلادى. ەسەپ – 2:3.
قازىرگى كەزدە قورجىنىندا 60 ۇپايى بار «بارىس» شىعىس كونفەرەنتسياسىنىڭ جارىس كەستەسىندە التىنشى ورىندى يەلەنۋدە. ءوزىنىڭ كەلەسى كەزدەسۋىن جەرلەستەرىمىز 1 اقپاندا ەكاتەرينبۋرگتىڭ «اۆتوموبيليسىنە» قارسى وتكىزەدى.
