ال تۇركىستان قالاسىندا 12 كوپقاباتتى ءۇيدىڭ قۇرىلىسى اياقتالىپ, 660 وتباسى پاتەر الدى. ولاردىڭ ىشىندە باسپانا كەزەگىندە تۇرعان ازاماتتار مەن نەسيەگە العان تۇرعىندار بار. سونىمەن قاتار, تۇركىستان قالاسى اكىمشىلىك ىسكەرلىك ورتالىعىندا جاڭادان 7, 9 جانە 12 قاباتتى 65 تۇرعىن ۇيلەردىڭ قۇرىلىسى جۇرگىزىلۋدە. تۇرعىن ۇيلەردىڭ قۇرىلىسى بيىل تولىق اياقتالادى. وبلىستىق قۇرىلىس باسقارماسىنىڭ مالىمەتىنشە, وتكەن جىلدىڭ قورىتىندىسى بويىنشا, باسپاناعا مۇقتاج كەزەكتە تۇرعان 800-گە جۋىق وتباسى تۇرعىن ۇيمەن قامتاماسىز ەتىلدى. اتاپ ايتقاندا, كەنتاۋ قالاسىندا – 600 پاتەر, تۇلكىباس اۋدانىندا – 24, شاردارادا – 80, سارىاعاش اۋدانىندا 90 پاتەر پايدالانۋعا بەرىلدى. بۇدان باسقا, اۋدان, قالالاردا كوپبالالى وتباسىلاردى باسپانامەن قامتاماسىز ەتۋ ءۇشىن ەكىنشى دەڭگەيدەگى نارىقتان مەملەكەتتىك بيۋدجەت ەسەبىنەن 400-گە جۋىق پاتەر ساتىپ الىندى. جىل قورىتىندىسى بويىنشا بارلىق باسپانالار ءوز يەلەرىن تاپتى.
سونىمەن قاتار جەكە تۇرعىن ءۇي قۇرىلىسىنا بولىنگەن 2617 جەر تەلىمدەرىنە سۋ, ەلەكتر جانە گاز قۇبىرلارى تولىق تارتىلىپ, وبلىس كولەمىندە جەر كەزەگىندە تۇرعان ازاماتتارعا ءبولىندى.
