جيىن بارىسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ «تاۋەلسىزدىك بارىنەن قىمبات» اتتى ماقالاسى تالقىلاندى.
«تاۋەلسىزدىك – مەملەكەتتىگىمىزدىڭ التىن دىڭگەگى. قازاق ەلى ءۇشىن بۇدان اسقان قاستەرلى قۇندىلىق جوق. بيىل تاۋەلسىزدىكتىڭ 30 جىلدىعىن اتاپ وتەتىن بولامىز. بۇل كەزەڭ – بۇكىل حالقىمىزدىڭ ەرەن ەڭبەگىنىڭ تاريحي شەجىرەسى. سوندىقتان مەملەكەت باسشىسى 21 عاسىردىڭ 2021 جىلىن «تاۋەلسىزدىكتىڭ 30 جىلدىعى» دەپ رەسمي تۇردە جاريالاعان بولاتىن.
وزدەرىڭىزگە ءمالىم, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ «تاۋەلسىزدىك بارىنەن قىمبات» اتتى ماقالاسى جارىق كوردى. بۇگىنگى باسقوسۋعا قاتىسىپ وتىرعان بارشامىزدىڭ تۇپكى ماقساتىمىز – ءسوزسىز تاۋەلسىزدىگىمىزدى كۇشەيتۋ. سىزدەردىڭ ادەبيەت پەن مادەنيەت سالاسىنا قوسقان ۇلەستەرىڭىز ەگەمەن ەلىمىزدىڭ ەڭسەسىن كوتەرىپ, ۇلتىمىزدىڭ رۋحىن وسىرەدى. ءبىز ءاردايىم سىزدەردىڭ ىستەگەن جۇمىستارىڭىزدى جوعارى باعالايمىز.
پرەزيدەنتىمىز ءوز ماقالاسىندا مادەنيەت پەن ونەر, عىلىم مەن ادەبيەتكە قاتىستى كوپتەگەن ماسەلەنى قوزعاعانى ءمالىم. ونىڭ ىشىندە ۇلت شەجىرەسىن ايقىنداعان «مادەني مۇرا» باعدارلاماسى, دەرەكتى جانە كوركەم فيلمدەر, الاش زيالىلارىنان قالعان رۋحاني مۇرانى جاستارىمىزعا جانە بۇكىل الەمگە پاش ەتۋ تۋرالى ءسوز قوزعاپ, وسى تاقىرىپتى زەرتتەپ جۇرگەن عالىمدار مەن جازۋشىلاردىڭ دا ەڭبەگىن قولداۋ قاجەتتىلىگىن ايتتى.
مەملەكەت باسشىسى ەلىمىزدىڭ تاريحىن زەرتتەۋ ماسەلەلەرىنە توقتالدى. سونداي-اق مەملەكەتتىك ءتىل دە بۇل ماقالادا نازاردان تىس قالعان جوق. پرەزيدەنت ءوز سوزىندە: «قازاق ءتىلىن, شىن مانىندە, بۇكىل حالقىمىزدى بىرىكتىرۋشى فاكتورعا اينالدىرۋدىڭ بارلىق قۇقىقتىق تاسىلدەرى جانە كەپىلدىكتەرى قالىپتاستى. ماسەلە – نيەتتە!» دەگەن بولاتىن»,-دەدى مينيستر.
وسىدان كەيىن اقتوتى رايىمقۇلوۆا ءتىل يگەرۋگە كەلگەندە بالالار ادەبيەتىنىڭ اتقاراتىن رولىنە توقتالدى.
«پرەزيدەنت ءوز ماقالاسىندا بالالار ادەبيەتىنە ەرەكشە ءمان بەرىپ: ء«تىل يگەرۋ ءۇشىن بالالار ادەبيەتىنىڭ اتقاراتىن ءرولى زور. سوندىقتان, قازاق قالامگەرلەرىنىڭ ۇزدىك شىعارمالارىنا قوسا, بالالارعا ارنالعان شەتەل جازۋشىلارىنىڭ دا تاڭداۋلى تۋىندىلارىن اۋدارىپ, كوپتەپ باسىپ شىعارۋدى جانە تاراتۋدى قولعا العان ءجون. وعان سۇرانىس جوعارى»,-دەپ اتاپ ءوتتى.
ءىس-شارادا اقتوتى رايىمقۇلوۆا الپىس جاسقا تولعان جازۋشى جاڭابەك شاعاتايدى قۇتتىقتاپ, «مادەنيەت سالاسىنىڭ ۇزدىگى» توسبەلگىسىمەن ماراپاتتادى.
سونىمەن قاتار مينيستر اقىن-جازۋشىلار س.سوقپاقباەۆا, ك.قۇنىپيا ۇلى, ە.شايحى ۇلى, م.وتارباەۆ, م.وماروۆاعا «مادەنيەت سالاسىنىڭ ۇزدىگى» توسبەلگىسىن, قىرعىز ادەبيەتىنىڭ وكىلى پەريزات المازقىزىنا قازاقستان حالقى اسسامبلەياسىنىڭ «بىرلىك» مەدالىن جانە ءبىر توپ قالامگەرلەرگە العىس حات تابىستادى.
