«مودۋلدىك اۋرۋحانالار بويىنشا اگەنتتىكتە 2 ءىس بار. تەك الماتى ەمەس, شىمكەنت قالاسىندا دا تەرگەۋ ءجۇرىپ جاتىر. جۇرگىزىلگەن مەملەكەتتىك اۋديت اكتىلەرىنىڭ ناتيجەسىندە بەلگىلى ءبىر سوما انىقتالىپ, وعان ساراپتاما تاعايىندالدى. ولار اياقتالعاننان كەيىن سوڭعى پروتسەسسۋالدىق شەشىم قابىلدانادى. بۇل سوما باستاپقى, تەك انىقتالعانى عانا جانە ساراپشىلاردىڭ قاراۋىندا. مەملەكەتتىك ساراپتاما جوبالىق-سمەتالىق قۇجاتتاما بويىنشا جۇرگىزىلىپ جاتىر. سوندىقتان تەرگەۋ ناتيجەسى بويىنشا ناقتى سومانى سىزدەرگە جەتكىزەتىن بولامىز. ءار اۋرۋحانانىڭ قۇنى - 5,5 ملرد تەڭگەدەن», دەدى ول اگەنتتىكتىڭ القا وتىرىسى اياسىندا باق وكىلدەرىنە بەرگەن سۇحباتىندا.
ونىڭ اتاپ وتۋىنشە, كىنالىلەر تەرگەۋ بارىسىندا انىقتالادى. ال كۇدىكتىلەر الىنعان دالەلدەر نەگىزىندە بەلگىلى بولادى. اۋرۋحانا قۇرىلىسىنىڭ قۇنىن نەگىزسىز كوتەرۋگە قاتىستى دا ساراپتاما جۇرگىزىلىپ جاتىر. ساراپتامالار 1-2 ايعا سوزىلادى.
«شىنايىلىق ءۇشىن تەرگەلىپ جاتقان ءىس اياسىندا اتالعان فاكتىگە قاتىسۋشىلاردىڭ بارلىعى تەكسەرىلەدى», دەدى مۇرات احمەتوۆ.
