ء«ىس-شارانىڭ ماقساتى - ءتيىستى قۇقىقتىق ءتارتىپتى قامتاماسىز ەتۋ, قازاقستان رەسپۋبليكاسىندا زاڭسىز جۇرگەن ازاماتتاردى انىقتاۋ, سونداي-اق زاڭسىز كوشى-قون ارنالارىنىڭ جولىن كەسۋ», - دەدى و.بەكەەۆ.
ونىڭ ايتۋىنشا, اتالعان جەدەل الدىن الۋ ءىس-شاراسىنا ۆەدومستۆونىڭ بارلىق كۇشتەرى مەن قۇرالدارى جۇمىلدىرىلادى. قوعامدىق ءتارتىپتى قامتاماسىز ەتۋ ءۇشىن دەپارتامەنتتىڭ قىزمەت باسشىلارى مەن جەكە قۇرامى ەسەبىنەن جەدەل جۇمىس توپتارى قۇرىلماق.
ء«جپىش وتكىزۋ كەزەندە ەلىمىزدىڭ تەمىرجول ۆوكزالدارى مەن اەروۆوكزالدارىنداعى جولاۋشىلار اعىمى ءجىتى قاداعالاناتىن بولادى. بۇل كۇندەرى جوعارىدا اتالعان نىسانداردا تاۋلىگىنە 250-دەن اسا پوليتسيا قىزمەتكەرى تارتىلماق. بۇعان قوسا, اتالعان شاراعا جولاۋشىلار پوەزدارىندا ىلەسىپ ءجۇرۋ باتالونىنىڭ قىزمەتكەرلەرى دە جۇمىلدىرىلماق», دەدى پوليتسيا پولكوۆنيگى.
«سونداي-اق ەلدە بولۋ ەرەجەلەرىن بۇزعان شەتەلدىكتەردى, سونىمەن قاتار شەتەلدىك جۇمىس كۇشىن تارتۋ ەرەجەلەرىن بۇزعان جۇمىس بەرۋشىلەرگە, ولاردى ۇيىمداستىرۋشىلارعا قاتىستى تەكسەرىس جۇرگىزىلەدى», دەپ تۇيىندەدى ءسوزىن ول.
