ء«بىز جازانىڭ بۇلتارتپاستىعىن تولىعىمەن قامتاماسىز ەتەمىز. ەسەپتىك كەزەڭدە 25 اسا اۋىر جانە 1368 اۋىر قىلمىستىڭ, سونداي-اق جۇيەلى سىبايلاس جەمقورلىقتىڭ 112 فاكتىسىنىڭ جولى كەسىلدى. سوتتا ۇقت قۇرۋ فاكتىلەرى بويىنشا 4 ءىس قارالۋدا. ءتۇرلى دارەجەدەگى 210 باسشى قىلمىستىق جاۋاپكەرشىلىككە تارتىلدى. 722 ادام سوتتالدى, ونىڭ ىشىندە ءبىر وبلىس اكىمى, 4 وبلىس اكىمىنىڭ ورىنباسارى, 2 جاۋاپتى حاتشى, 2 كوميتەت توراعاسى, 1 ەلشى, 5 سۋديا, 10 اۋدان اكىمى جانە ولاردىڭ ورىنباسارلارى. 5 ۆيتسە-مينيستر مەن 5 كوميتەت توراعاسى مەن ولاردىڭ ورىنباسارلارىنا, سونىمەن قوسا كۆازيمەملەكەتتىك سەكتوردىڭ 5 توپ-مەنەدجەرىنە قاتىستى قىلمىستىق ىستەر تەرگەلۋدە», دەدى ا. شپەكباەۆ.
سونداي-اق ول «استانا LRT» قۇرىلىسى كەزىندە بيۋدجەت قاراجاتىن جىمقىرۋ فاكتىسى بويىنشا بىرقاتار لاۋازىمدى تۇلعا مەن مەردىگەر ۇيىمنىڭ باسشىلارى سوتقا جولدانعانىن اتاپ ءوتتى.
«سك-فارماتسيا» باسقارماسىنىڭ بۇرىنعى توراعاسىنا قاتىستى تەرگەۋ اياقتالدى. بتا-بانكتىڭ ءىسى بويىنشا 12 ملرد تەڭگەدەن استام زالال وتەلدى. تاعى 6,4 ملرد تەڭگە «ازىق-ت ۇلىك كورپوراتسياسى» اق باسقارماسىنىڭ بۇرىنعى توراعاسىنا قاتىستى قىلمىستىق ءىس اياسىندا وتەلدى», دەدى اگەنتتىك توراعاسى.
