تالقىلاۋ بارىسىندا ۇلتتىق اۆياتاسىمالداۋشىنىڭ باسشىسى كومپانيانىڭ قازىرگى جاعدايى مەن ودان ءارى دامۋ جوسپارلارى, ونىڭ ىشىندە ىشكى جولاۋشىلار اۆياتاسىمالدارى كولەمىن ۇلعايتۋ جانە جاڭا شەتەلدىك باعىتتاردى اشۋ تۋرالى ايتىپ بەردى.
مينيستر بەيبىت اتامقۇلوۆ 2020 جىلى اشىلعان باعىت - تۇركىستان قالاسىنىڭ كوممەرتسيالىق تابىسىن اتاپ ءوتتى. بۇل جەر قازاقستان وڭىرلەرىنەن جانە باسقا ەلدەردەن كەلگەن تۋريستەر اراسىندا تانىمال, ال اگلومەراتسيانىڭ وزىندە 700 مىڭنان استام ادام تۇرادى, بۇل وسى باعىتتاعى تاسىمالدارعا تۇراقتى سۇرانىستى قامتاماسىز ەتەدى.
AirAstana اۋە بورتتارىن پايدالانۋدىڭ ورتاشا جاسى ءتورت جىلدى قۇرايدى, سوندىقتان اۋە تاسىمالداۋشى فلوتى الەمدەگى ەڭ جاس ۇشاقتاردىڭ ءبىرى بولىپ تابىلادى, دەدى فوستەر. كومپانيا باسشىسىنىڭ ايتۋىنشا, پەرسونال اۋادا جانە جەردە قامتاماسىز ەتەتىن سەرۆيس پەن جايلىلىقتى ساراپشىلار مەن جولاۋشىلار جوعارى باعالايدى.
مينيستر AirAstana قازاقستاننىڭ ىشىندە جانە شەت ەلدەرگە ۇشاتىن رەيستەردىڭ جيىلىگى مەن باعىتتار سانىنىڭ ارتۋىنا بايلانىستى دامۋىن جالعاستىراتىنىنا سەنىم ءبىلدىردى.
