پاۆلودار وبلىسى اكىمىنىڭ كەڭەسشىسى تولەگەن باستەنوۆتىڭ ۇستىنەن قىلمىستىق ءىس قوزعالدى. بۇل تۋرالى «استانا» تەلەارناسى حابارلادى.
بۇعان دەيىن بىرقاتار بەدەلدى قىزمەتتەردى اتقارعان ەكس-شەنەۋنىك ءىرى كولەمدە پارا الۋ ساتىندە قۇقىق قورعاۋ قىزمەتكەرلەرىنىڭ قولىنا ءتۇستى. ول مەردىگەر كومپانيادان مەكتەپ قۇرىلىسىنا بولىنگەن قارجىدان 8 ملن. 700 مىڭ تەڭگە بەرۋىن تالاپ ەتكەن. قازىر ونىڭ وسى ارەكەتىنە قاتىستى «اسا ءىرى كولەمدە پارا الۋ» فاكتىسى بويىنشا قىلمىستىق ءىس قوزعالىپ, تەرگەۋ اباقتىسىنا قامالدى.
ت. باستەنوۆ كەرەكۋ ءوڭىرى جۇرتشىلىعىنا جاقسى تانىس. پاۆلودار اۋدانىنا ەكى رەت اكىم بولعان ەكەن. ايماق باسشىسىنىڭ اۋىل شارۋاشىلىعى جونىندەگى ورىنباسارى بولىپ تا قىزمەت اتقاردى. «ت. باستەنوۆ 13-ءشى جەلتوقساندا سوت سانكتسياسىمەن قاماۋعا الىندى. قازىر ونىڭ قىلمىسىنا قاتىستى تەرگەۋ امالدارى جۇرگىزىلۋدە»,-دەيدى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي.
باقىتبەك كەنەش ۇلى.
دەرەككوز: «استانا» تەلەارناسى.
