ەلوردا • 28 قاڭتار، 2021

ەلوردادا كوروناۆيرۋسپەن كۇرەسۋ ءۇشىن قانداي شارالار قابىلدانىپ جاتىر

5 رەت كورسەتىلدى

ەلوردا اكىمىنىڭ ورىنباسارى باقتيار ماكەن قالانىڭ قوعامدىق كەڭەسىنىڭ وتىرىسىندا كوروناۆيرۋس پاندەمياسىمەن كۇرەسۋ بويىنشا قابىلدانىپ جاتقان شارالار تۋرالى ءتۇسىندىرىپ بەردى، دەپ حابارلايدى Egemen.kz.

ماسەلەن 2020 جىلدىڭ باسىندا ەلوردادا تەك 1 پتر-زەرتحانا جۇمىس ىستەسە، قازىر 17 زەرتحانا بار. سونىمەن قاتار، تالداۋ ناتيجەلەرىن كۇتۋ ۋاقىتى باستاپقىداي بىرنەشە كۇندى ەمەس 4 ساعاتتى الادى.

ەلورداعا 6 قازاننان باستاپ بورتىندا 59 026 جولاۋشىسى بار 457 رەيس قوندى، ولاردىڭ شامامەن 10 مىڭ جولاۋشىسى كارانتيندىك ستاتسيونارعا جاتقىزىلدى. 74 جولاۋشىدان كوروناۆيرۋس انىقتالدى، ولارعا قاجەتتى مەديتسينالىق كومەك كورسەتىلدى.

كارانتيندىك شەكتەۋلەردىڭ ساقتالۋىن باقىلاۋ ماقساتىندا قالادا 9 ءموبيلدى توپ قۇرىلىپ، 5 مىڭنان استام نىسان تەكسەرىلدى. كارانتيندى بۇزۋشىلار جاۋاپكەرشىلىككە تارتىلادى. جەدەل مەديتسينالىق جاردەم ستانتسياسىنىڭ بازاسىندا call-ورتالىق جۇمىسىن جالعاستىرۋدا، وندا قالا تۇرعىندارى كۆي بويىنشا كەز كەلگەن ۋاقىتتا جۇگىنە الادى.

سونىمەن قاتار، ەلوردانىڭ بارلىق مەديتسينالىق مەكەمەلەرى قوسىمشا جابدىقتارمەن، ءدارى-دارمەكتەرمەن، مەديتسينالىق ماسكالارمەن جانە قورعانىس قۇرالدارىمەن جابدىقتالدى. سونىمەن قاتار، قالادا مەديتسينا ستۋدەنتتەرىنىڭ رەزەرۆى جاساقتالدى.

دەنساۋلىق ساقتاۋ سالاسىن دامىتۋ تۋرالى ايتا كەلە، ول مەملەكەت باسشىسىنىڭ تاپسىرماسىنا سايكەس ازاماتتاردى "قادامدىق قولجەتىمدىلىكتە" مەديتسينالىق كومەكپەن قامتاماسىز ەتۋ جۇمىستارى جۇرگىزىلىپ جاتقانىن اتاپ ءوتتى.

ماسەلەن، قالادا 29 "ۇيدەگى دارىگەر" نىسانى 180 مىڭعا جۋىق ادامدى قامتىدى. سونىمەن قاتار، وتباسى ينستيتۋتىن دامىتۋ ماقساتىندا 4 وڭالتۋ ورتالىعى اشىلدى.

سوڭعى جاڭالىقتار

ۇقساس جاڭالىقتار