ماجارستاننىڭ ەلىمىزبەن ساۋدا-ەكونوميكالىق جانە مادەني-گۋمانيتارلىق ءوزارا ءىس-قيمىلدى ودان ءارى نىعايتۋعا دەگەن قىزىعۋشىلىعى ارتىپ كەلەدى. ۆەنگريا ورتالىق ەۋروپادا قازاقستانمەن ستراتەگيالىق سەرىكتەستىك تۋرالى دەكلاراتسياعا قول قويعان العاشقى مەملەكەت ەكەنىن اتاپ وتكەن ءجون.
قالا اكىمى ميحاي گالوشفاي, فەرەنتس بلاۋمانن مىرزالارعا ەكىجاقتى ىنتىماقتاستىقتى دامىتۋعا قوسقان ۇلەسى ءۇشىن العىس ايتىپ, ۆەنگر كومپانيالارىمەن بىرلەسكەن جوبالاردى جۇزەگە اسىرۋعا شاقىردى.
– ءسىزدىڭ ەلىڭىز يننوۆاتسيانى مىقتى قولداۋ نەگىزىندە ءتيىمدى دامۋ ۇلگىسىن كورسەتىپ وتىر. وسىعان بايلانىستى ءبىز ۆەنگر كومپانيالارىمەن بىرلەسكەن جوبالاردى جۇزەگە اسىرۋعا جانە دامىتۋ ماسەلەلەرىنە ەرەكشە ءمان بەرەمىز. ءبىز ۆەنگريالىق كومپانيالاردىڭ ءتۇرلى سالالاردا - تۋريزم, اقپاراتتىق تەحنولوگيالار, اۋىلشارۋاشىلىق, ماشينا جاساۋ جانە باسقا دا ونەركاسىپتىك باعىتتاردا ينۆەستيتسيا سالۋىن قۇپتايمىز. ۆەنگريانىڭ ىسكەر توپتارىن شىمكەنتتە ءوز بەلسەندىلىكتەرىن ارتتىرۋعا شاقىرامىن. بۇل ءۇشىن قالامىزدا بارلىق جاعداي جاسالعان. بىزدە قولايلى ينۆەستيتسيالىق جانە ىسكەرلىك احۋال قۇرىلعان, دەدى قالا اكىمى.
شاھار باسشىسى قالانى دامىتۋداعى ىنتىماقتاستىقتىڭ وزەكتى ماسەلەلەرى بويىنشا اشىق جانە سىندارلى ديالوگقا دايىن ەكەنىن اتاپ ءوتتى. بۇل ورايدا ۆەنگريانىڭ شىمكەنت قالاسىنداعى قۇرمەتتى كونسۋلى قايرات قۇسايىن ۇلى مىرزامەن قاجەتتى ماسەلەلەردى بىرلەسە شەشپەك. ايتا كەتسەك, ميحاي گالوشفاي مىرزا اتالعان قىزمەتكە وتكەن جىلى قىركۇيەك ايىندا تاعايىندالعان بولاتىن.
