ەلدەگى پاتەر ۇرلىعىنىڭ كورسەتكىشى 63%-عا تومەندەدى. ءىىم قىلمىستىڭ وسى تۇرىمەن كۇرەسۋگە ەرەكشە كوڭىل بولەدى. ءتارتىپ ساقشىلارى ارنايى ازىرلەنگەن باعدارلاما بويىنشا بەلسەندى جۇمىس جۇرگىزۋدە.
پوليتسيا كەپىلگە قويىلعان م ۇلىك تۋرالى حابار الىپ وتىرۋ ءۇشىن نەسيە بيۋروسىمەن جانە لومباردتارمەن ىنتىماقتاستىق تۋرالى مەموراندۋمدارعا قول قويعان. سونىمەن قاتار, ءتارتىپ ساقشىلارى ۇرلانعان زاتتاردى, ەت پەن جانۋارلاردىڭ تەرىسىن ساتۋعا بولاتىن جەرلەردى ۇنەمى قاداعالاپ وتىرادى.
ءبىر عانا پاۆلودار وبلىسىندا ۇرلىقتىڭ اشىلۋى 62,6%-دى قۇرادى. وبلىس اۋماعىندا 5569 بەينەباقىلاۋ كامەراسى ورناتىلعان. تۇرعىنداردى ارالاۋ اياسىندا ۋچاسكەلىك پوليتسيا ينسپەكتورلارى ۇرلىققا قارسى ءىس-قيمىل بويىنشا 40 مىڭنان استام جادىنامانى, ونىڭ ىشىندە 25 مىڭنان استام پاتەر ۇرلىعى جانە 15 مىڭ مال ۇرلىعى تۋرالى جادىنامانى تابىس ەتتى.
“تۇرعىنداردى ۇيدەن شىققان كەزدە ەسىكتەر مەن تەرەزەلەردى جابۋعا, ءوز مۇلكىنە مۇقيات بولۋعا شاقىرامىز. اۆتوكولىكتەردىڭ دە ەسىكتەرىن جابۋدى ەستەن شىعارماڭىز. وسىلايشا ءسىز ۇرلىقتىڭ الدىن الا الاسىز”, – دەيدى پوليتسيا قىزمەتكەرلەرى.
