ايماقتار • 28 قاڭتار، 2021

پاۆلودار وبلىسىندا ەر ادام جانىپ جاتقان ۇيدەن كورشىسىن الىپ شىقتى

19 رەت كورسەتىلدى

جەدەل مەديتسينالىق جاردەم بريگاداسى زارداپ شەككەن ادامدى ۋسپەن اۋداندىق اۋرۋحاناسىنا جەڭىل دارەجەدەگى جانۋ ونىمدەرىمەن ۋلانۋ دياگنوزىمەن جەتكىزىپ، العاشقى مەديتسينالىق كومەك كورسەتتى، دەپ حابارلايدى رavlodarnews.kz.

پاۆلودار وبلىسى تج دەپارتامەنتى ءباسپاسوز قىزمەتىنىڭ مالىمەتى بويىنشا،  01 ساعات 10 مينۋتتا ۋسپەن اۋدانىنىڭ №17 ءورت ءسوندىرۋ ءبولىمىنىڭ «101» پۋلتىنە ۋسپەن اۋىلىنىڭ ميلەۆسك كوشەسىندەگى تۇرعىن ءۇيدىڭ جانعانى تۋرالى تەلەفون حابارلاماسى تۇسكەن.

- شاقىرۋ ورنىنا كەلگەننەن كەيىن جەكە تۇرعان ەكى بولمەلى ساماننان جاسالعان ۇيدە جيھاز، ءۇي زاتتارى، اعاش تەرەزەلەر، ەسىكتەر جانە جالپى 40 شارشى مەتردە جارتىلاي اعاش شاتىر قۇرىلىمدارى جانىپ جاتقانى انىقتالدى. كەزەكشى قاراۋىل كەلگەنگە دەيىن كورشىسى، قاجد پروباتسيا قىزمەتىنىڭ ينسپەكتورى تولەگەن نۇرجان ءۇي يەسىن  1966 جىلى تۋعان ەر ادامدى دالاعا شىعاردى.  زارداپ شەككەن تۇرعىندى اۋرۋحاناعا جاتقىزۋدىڭ قاجەتى بولمادى. ەر ادام ماس بولعان، - دەيدى دەپارتامەنتتە. 

سونىمەن قاتار، گاز-تۇتىننەن قورعاۋ قىزمەتى بۋىنىنىڭ قۇرامىندا ءورت  ءسوندىرۋشى ازاماتتىق قورعاۋ كىشى سەرجانتى راسۋل قازبەكوۆ ۇيدەن سىيىمدىلىعى  27 ل 1 گاز باللونىن ەۆاكۋاتسيالاپ، گاز باللونىنىڭ جارىلۋىن الدىن الدى.  ءتىلسىز جاۋ 02 ساعات 48 مينۋتتا ءسوندىرىلدى.

وقيعا ورنىندا جەكە قۇرامنان 4 ادام جانە 2 تەحنيكا جۇمىس ىستەدى. ءورتتىڭ شىعۋىنا ماس كۇيىندە توسەكتە تەمەكى شەگۋ سەبەپ بولعان. پاۆلودار وبلىسى توتەنشە جاعدايلار دەپارتامەنتى قۇتقارۋشىلاردىڭ ەسكەرتۋلەرىن نازاردان تىس قالدىرماۋدى سۇرايدى.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار