ايماقتار • 28 قاڭتار، 2021

دەكلاراتسيا تاپسىرۋداعى جاڭا وزگەرىستەر ءتۇسىندىرىلدى

47 رەت كورسەتىلدى

قىزىلوردا وبلىسىندا قالا، اۋدان اكىمدەرى مەن وبلىستىق باسقارما باسشىلارىنا دەكلاراتسيا تاپسىرۋداعى جاڭا وزگەرىستەر ءتۇسىندىرىلدى، دەپ حابارلايدى ەgemen.kz

وبلىس اكىمدىگىندە وتكەن سەميناردا مەملەكەتتىك قىزمەتتى وتكەرۋ جانە مەملەكەتتىك قىزمەتشىلەردىڭ مىندەتتەمەلەرىنە قاتىستى بىرقاتار زاڭنامالىق اكتىلەرگە ەنگىزىلگەن وزگەرىستەر تالقىلاندى.

مەملەكەتتىك قىزمەت ىستەرى اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باسشىسى رافحات بيسەنوۆتىڭ توراعالىعىمەن وتكەن سەمينارعا وبلىستىق باسقارما باسشىلارى جانە بەينەبايلانىس ارقىلى قالا، اۋدان اكىمدەرى قاتىستى.

سەميناردا ر.بيسەنوۆ مەملەكەتتىك قىزمەتشىلەردى روتاتسيالاۋ جانە كونكۋرسسىز اۋىسۋ قاعيدالارىنا ەنگىزىلگەن وزگەرىستەر تۋرالى جان-جاقتى ءتۇسىندىردى.

-«روتاتسيا قاعيدالارىنا ەنگىزىلگەن وزگەرىستەرگە سايكەس روتاتسيالانۋعا جاتاتىن تۇلعالار قاتارىنا ساياسي قىزمەتشىلەر مەن «ا» كورپۋسىنىڭ اكىمشىلىك مەملەكەتتىك قىزمەتشىلەرى قوسىلدى جانە لاۋازىمدا بولۋ مەرزىمىنىڭ ۋاقىتى 8 جىلمەن شەكتەلدى. سونىمەن قاتار، لاۋازىمعا تاعايىندايتىن ەكى تۇلعانىڭ كەلىسىمىمەن ء«وڭىر-ءوڭىر» پرينتسيپىمەن روتاتسيالاۋ مۇمكىندىگى بەرىلدى»، دەدى ر.بيسەنوۆ.

بۇدان بولەك، مىندەتتى ەمەس روتاتسيالانۋ قاراستىرىلعان. ياعني «ب» كورپۋسىنىڭ تومەنگى لاۋازىمدارى اراسىندا ءۇش جىل ءوتىلى بار قىزمەتشىلەردى ءوزارا كەلىسىمى بويىنشا روتاتسيالاۋعا بولادى. روتاتسيا تەك ءارتۇرلى اكىمشىلىك-اۋماقتىق بىرلىكتەر اراسىندا جۇرگىزىلەدى.

جيىن بارىسىندا، 2020 جىلعى 19 جەلتوقسانداعى قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق پروتسەستە ازاماتتاردىڭ قۇقىقتارىن قورعاۋدى جانە سىبايلاس جەمقورلىققا قارسى ءىس-قيمىلدى كۇشەيتۋ ماسەلەلەرى بويىنشا ەنگىزىلگەن وزگەرىستەر مەن تولىقتىرۋلار تۋرالى قر سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ پرەۆەنتسيا جانە پاراساتتىلىق باسقارماسىنىڭ باسشىسى عاليا الىمقۇلوۆا تۇسىندىرمە بەردى.

بيىلعى 1 قاڭتاردان باستاپ قولدانىسقا ەنگىزىلگەن جالپىعا بىردەي دەكلاراتسيالاۋدىڭ العاشقى كەزەڭى تۋرالى وبلىستىق مەملەكەتتىك كىرىستەر دەپارتامەنتى باسشىسىنىڭ ورىنباسارى نۇرلىبەك بيمىرزاەۆ حابارلاما جاسادى.

وبلىس بويىنشا ءبىرىنشى كەزەكتە جالپىعا بىردەي دەكلاراتسيا تاپسىراتىن 16847 ادام بار.  ايتا كەتۋ كەرەك، دەكلاراتسيا 2020 جىلعى 31 جەلتوقسانداعى جاعداي بويىنشا 250.00-نىساندا، تۇرعىلىقتى جەرى بويىنشا تاپسىرىلادى.

دەكلاراتسيانى قاعاز جەتكىزگىشتە اعىمداعى جىلعى 15 شىلدەدەن كەشىكتىرمەي، ەلەكتروندى تۇردە 15 قىركۇيەكتەن كەشىكتىرمەي تابىس ەتۋ كەرەك.

بۇل باعىتتاعى تۇسىندىرمە جۇمىستارى وبلىستاعى بارلىق مەملەكەتتىك ورگانداردىڭ قىزمەتكەرلەرىنە جۇرگىزىلەتىن بولادى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار