ايماقتار • 28 قاڭتار، 2021

شقو كوكتەمگى سۋ تاسقىنىنا دايىندىقتى باستادى

4 رەت كورسەتىلدى

شىعىس قازاقستان وبلىسىندا كوكتەمگى سۋ تاسقىنىنا دايىندىق جۇرگىزىلۋدە، دەپ حابارلايدى Egemen.kz

شقو توتەنشە جاعدايلار دەپارتامەنتىنىڭ ماماندارى مەن جەرگىلىكتى اتقارۋشى ورگان وكىلدەرى كوكتەمگى سۋ تاسقىنىنىڭ الدىن الۋ ءۇشىن كۇن سايىن مونيتورينگ جۇرگىزىپ جاتىر. ناقتى ايتقاندا، ولار قار قالىڭدىعى مەن جەردىڭ توڭىن باقىلاۋدا. «قازگيدرومەت» رمك وبلىستىق فيليالىنىڭ اقپاراتى بويىنشا شىعىس قازاقستاندا قار جامىلعىسىنىڭ بيىكتىگى 7-دەن 56 سم-گە دەيىن. وڭىردە قار ەڭ كوپ جاۋعان – ءۇرجار اۋدانى بولسا، ەڭ از قار تۇسكەنى – اباي اۋدانى. التاي، كۇرشىم، كاتونقاراعاي، اباي، زايسان، كوكپەكتى، بورودۋليحا، بەسقاراعاي اۋداندارىندا جەردىڭ توڭى ءبىر مەتردەن اسادى»، دەپ حابارلادى ۆەدومستۆو وكىلدەرى.

التاي، كاتونقاراعاي، كۇرشىم جانە ءۇرجار اۋداندارىندا جەردىڭ قاتۋ دەڭگەيى 2018 جىلعا قاراعاندا ءبىرشاما ارتقان. ەستەرىڭىزگە سالا كەتسەك، وسىعان دەيىن شىعىس قازاقستاندا 90-نان استام ەلدى مەكەندى سۋ باسۋى مۇمكىن ەكەندىگى حابارلانعان بولاتىن.



سوڭعى جاڭالىقتار

بايراعى بيىك باعزى ونەر

رۋحانيات • بۇگىن، 07:33

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار