قازاقستان • 28 قاڭتار، 2021

Bek Air كومپانياسى بەسىنشى رەت سوتقا بەرىلدى

1 رەت كورسەتىلدى

25 قاڭتاردا تۇتىنۋشىلاردىڭ قۇقىعىن قورعاۋ كوميتەتى «Bek Air» اق كومپانياسىن بەسىنشى مارتە سوتقا بەردى، دەپ حابارلايدى Egemen.kz

بەسىنشى تالاپ ارىزدا كوميتەت 62 ادامنىڭ مۇددەسىن قورعايدى. تالاپ ارىزدىڭ سوماسى – 3،5 ملن تەڭگە. ەستەرىڭىزگە سالا كەتەيىك، سوت كوميتەتتىڭ «Bek Air» كومپانياسىنا قاتىستى العاشقى ءتورت تالاپ ارىزىن قاناعاتتاندىردى، ال ەكى ارىز زاڭدى كۇشىنە ەندى.

«اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى»زاڭعا سايكەس مەرزىمدى ءوندىرىپ الۋ تۋرالى اتقارۋشىلىق قۇجاتتاردى قوسپاعاندا، سونداي-اق زاڭنامالىق اكتىلەرگە وزگە دە ورىنداۋ مەرزىمدەرى بەلگىلەنگەن جاعدايلاردى قوسپاعاندا، ءىس جۇرگىزۋ قوزعالعان كۇننەن باستاپ ەكى ايدان اسپايتىن مەرزىمدە اياقتالۋعا ءتيىس. زاڭناما تالاپتارىنا سايكەس سوت شەشىمدەرىن ورىنداۋعا تەك سوت ورىنداۋشىلارى عانا ۋاكىلەتتىك بەرىلگەنىنە نازار اۋدارامىز. سوندىقتان تۇتىنۋشىلار سوت ورىنداۋشىلارىنا جۇگىنۋگە قۇقىلى، ولار سوت شەشىمدەرىن ورىنداۋ بويىنشا ۋاقتىلى شارالار قابىلداۋعا مىندەتتى.

اتقارۋشىلىق پاراعى بەرىلگەن سوت ورىنداۋشىسى تۋرالى مالىمەتتەردى الۋ ءۇشىن تۇتىنۋشىلار الماتى قالاسىنىڭ جەكە سوت ورىنداۋشىلارىنىڭ پالاتاسىنا جۇگىنۋ قاجەت. سوتتا ءوز مۇددەسىن ءبىلدىرۋ ءۇشىن تۇتىنۋشىلار تققك مەكەنجايىنا مىنا سىلتەمەدەن جۇكتەپ الىنعان انىقتامانى جىبەرۋى كەرەك. وتىنىشتەر ەلەكتروندىق ۇكىمەتتىڭ پورتالى جانە تەلەگرام-بوتى ارتقى قابىلدانادى. بۇعان دەيىن سوت تۇتىنۋشىلار قۇقىعىن قورعاۋ كوميتەتىنىڭ «بەك ەير» اق-نا قاتىستى ەكىنشى تالابىن قاناعاتتاندىرعانىن حابارلاعان ەدىك.

ەسكە سالا كەتسەك، 2019 جىلدىڭ 27 جەلتوقسانىندا الماتىدان نۇر-سۇلتان قالاسىنا ۇشىپ شىققان بەك ەير كومپانياسىنىڭ ۇشاعى راداردان جوعالىپ كەتتى. كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. ۇشاق جەرگە قۇلاعان سوڭ سىرعاناپ بارىپ اۋەجاي اۋماعىنا جاقىن تۇستاعى اۋىل شەتىندەگى ەكى قاباتتى ۇيگە سوعىلعان. سالدارىنان 12 ادام قازا تاپتى. وسىدان كەيىن Bek Air اۋە كومپانياسىنا تيەسىلى توعىز Fokker-100 ۇشاعىنىڭ قىزمەتى توقتاتىلدى.



سوڭعى جاڭالىقتار

ۇقساس جاڭالىقتار