قوعام • 28 قاڭتار، 2021

Nur Otan-نىڭ سايلاۋالدى باعدارلاماسىن جۇزەگە اسىرۋ بويىنشا جول كارتالارى ءبىر اي ىشىندە ازىرلەنەدى

7 رەت كورسەتىلدى

«Nur Otan» پارتياسى سايلاۋالدى ۋادەلەرىن جۇزەگە اسىرۋعا قىزۋ كىرىسىپ كەتتى. ول ءۇشىن بۇگىندە ارنايى جول كارتالارى ازىرلەنىپ جاتىر. بۇل تۋرالى «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى ءوز پاراقشاسىندا ارنايى جازبا جاريالادى، دەپ حابارلايدى Egemen.kz.

«قۇرمەتتى دوستار! ەلىمىزدىڭ بارلىق اۋداندارىندا، قالالارى مەن وبلىستارىندا جاڭا شاقىرىلىمداعى ءماسليحاتتاردىڭ ءبىرىنشى سەسسيالارى ءوتتى. ءبىزدىڭ فراكتسيالارىمىز سايلاۋ قورىتىندىلارى بويىنشا بارلىق دەڭگەيدەگى وكىلدى ورگانداردىڭ باسىم بولىگىن قالىپتاستىرىپ، مانداتتاردىڭ جالپى سانىنىڭ ورتاشا العاندا 80%-تەن استامىن قۇرادى.  پارتيامىزدىڭ دەپۋتاتتىق كورپۋسى العاشقى كۇننەن باستاپ سايلاۋالدى ۋادەلەردى ىسكە اسىرۋعا كىرىستى»، دەپ جازدى ب. بايبەك.

ونىڭ ايتۋىنشا، «Nur Otan»-نىڭ سايلاۋالدى باعدارلامالارىنىڭ نەگىزىندە 2025 جىلعا دەيىنگى 216 اۋماقتىق دامۋ باعدارلاماسى بەكىتىلدى. 

ء«بىزدىڭ سايلاۋالدى باسىمدىقتارىمىز «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا حالىقپەن، ونىڭ ىشىندە شالعاي ەلدى مەكەندەر تۇرعىندارىمەن جان-جاقتى تالقىلاۋ قورىتىندىسى بويىنشا قالىپتاستىرىلدى. تەك پرايمەريز بارىسىندا عانا ءبىز ازاماتتاردان 20 مىڭنان استام ۇسىنىس جينادىق.

بۇدان بولەك ۇگىت-ناسيحات كەزدەسۋلەرى كەزەڭىندە تاعى 42 مىڭنان اسا امانات ءتۇستى. ولاردىڭ 65%-تەن استامى ايماقتىق باعدارلامالاردى بەكىتۋ كەزىندە ەسكەرىلدى.  ەلباسى، پارتيا ليدەرى نۇرسۇلتان نازارباەۆ ايتقانداي، «Nur Otan» دەپۋتاتتارى ءاربىر وڭىردە، قالا مەن اۋداندا بارلىق سايلاۋالدى مىندەتتەمەلەردىڭ ورىندالۋىنا جۇيەلى باقىلاۋدى قامتاماسىز ەتۋى ءتيىس»، دەپ جازدى ول. 

ونىڭ ايتۋىنشا، قازىر دايىندالىپ جاتقان جول كارتالارى كوپشىلىك نازارىنا ۇسىنىلاتىن بولادى. 

ء«اربىر باعىت بويىنشا نىسانالى ينديكاتورلار مەن مەرزىمدەر قويىلىپ، جاۋاپتى ورىنداۋشىلار بەلگىلەنەدى. ۇكىمەتپەن جانە جەرگىلىكتى اتقارۋشى ورگاندارمەن بىرلەسىپ، ءبىر اي ىشىندە ءاربىر جىلعا ناقتى كورسەتكىشتەرى بار ءتيىستى جول كارتالارى ازىرلەنىپ، جاريا تۇردە قاراۋعا ۇسىنىلادى.  ەل پرەزيدەنتى قاسىم-جومارت توقاەۆ اتاپ كورسەتكەندەي، «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى ەلىمىزدىڭ الەۋمەتتىك دامۋىن ىلگەرىلەتۋگە جانە حالىقتىڭ ءال-اۋقاتىن ارتتىرۋعا باعىتتالعان ناقتى شارالاردىڭ ءتيىمدى كەشەنىن ۇسىنادى.  ماقساتى ايقىن، ناقتى ىستەر پارتياسى رەتىندە «Nur Otan» بارلىق دەڭگەيدە ءوزىنىڭ سايلاۋالدى ۋادەلەرىن ىسكە اسىرۋدى قامتاماسىز ەتەدى! قيىندىقتى ەڭسەرىپ، جەڭىسكە بىرگە جەتەمىز!»، دەلىنگەن جازبادا.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار